Ertzaintzak hiru gazte atxilotu ditu gaur goizaldean, lesio-delitu bat egotzita. Atxilotuek pertsona bati eraso egin zioten Gipuzkoako hiriburuko erdiguneko diskoteka batean izandako lixkar batean, eta zauriak eragin zizkioten. Ondorioz, ospitalera eraman behar izan zuten.
Goizaldeko hirurak aldera, Ertzaintzak Easo kalean eraso egin dioten pertsona bat zegoela jakin du. Bertaratutako ertzainek gazte bat aurkitu dute, bi lagunekin batera, kopetan eta begi batean hainbat zauri zituela.
Pertsona horiek ertzainei jakinarazi diete bi talderen arteko borroka bat izan dela inguruko diskoteka batean, eta hiru gaztek eraso diotela mutil horri, eta, era berean, haien deskribapen fisikoa eman diete.
Jarraian, ertzainak aisialdirako establezimendura sartu ziren, eta lesio horien ustezko egileak identifikatzea eta atxilotzea lortu zuten.
Bien bitartean, biktima ospitalera eraman zuten, zauriek ebakuntza behar izan zezaketelako.
Atxilotuek, 21 urteko bik eta 19 urteko hirugarrenak, polizia-aurrekariak dituzte.
26_0319 Euskadiko Larrialdi Zerbitzuek Aiako Harrietan istripua izan duen mendizale bat erreskatatu dute Euskadiko Larrialdi…
Ertzaintzak 30 urteko gizon bat atxilotu zuen atzo Lazkaon (Gipuzkoa), beste bati barra finko batekin…
“Andre – Marles” baterako operazioa Ertzaintzak eta Cartagenako Guardia Zibilak bi pertsona atxilotu dituzte, Gipuzkoako…
26_0316 Emakume bat hil da Donemiliagan, ibilgailu batek harrapatuta Emakume bat hil da Donemiliagan, ibilgailu…
26_0315 Donostian telefono mugikorren saltoki bateko langile bat atxilotu dute iruzurreko transakzio bat egiteagatik Donostian…
Ertzaintzak, Gernikako Udaltzaingoarekin lankidetzan, 43 urteko gizon bat atxilotu du kalean aparkatuta zeuden bi ibilgailutatik…