Irungo Ertzain-etxeko agenteek, ikertu ondoren, abuztuaren 3an etxebizitza batean, etxeko bizilagunak barruan zeuden bitartean, indarra erabiliz egindako lapurretaren egilea atxilotu zuten asteazkenean, abuztuaren 6an, Irunen. Halaber, eginbideak ireki dizkiote, ikertu gisa, azken asteotan gertatutako antzeko beste zazpi gertakarirengatik.
Ertzaintzak, hainbat salaketaren bidez, jakin zuen azken asteetan indarra erabiliz lapurretak egin zituztela Irungo bizitza bateko hainbat etxetan. Lapurreta horietako gehienak etxekoak barruan lo zeudela gertatu ziren, eta hainbat objektu lapurtu zituzten, hala nola jantziak, telefono mugikor bat eta bizikleta bat.
Horren ondorioz hasitako polizia-ikerketaren bidez argitu ahal izan zuten lapurretak eskalatze modalitatearen bidez egin zirela, eta lapurreten egilea polizia-aurrekariak zituen 23 urteko gizon bat zela.
Pertsona hori identifikatzera eta ikertu gisa ireki zitzaizkion eginbideen berri ematera joan zirenean, agenteek abuztuaren 3an indarra erabiliz egindako lapurretan hartutako objektuak eta lapurreta hori egiteko erabilitako jantziak aurkitu zizkioten. Hori dela eta, jendea bizi den etxean indarra erabiliz lapurreta egitea leporatuta atxilotu zuten, eta jakinarazi zioten ikertu gisa eginbideak irekiko zizkiotela ezaugarri bereko beste zazpi gertakarirengatik.
Atxilotua Irungo Ertzain-etxera eraman zuten zegozkion polizia-eginbideak egitera, eta gaur, abuztuak 8, jarri dute epailearen eskuetan.
Ertzaintzako eta Donostiako Udaltzaingoko agenteek 64 urteko gizon bat atxilotu dute gaur eguerdian Gipuzkoako hiriburuan,…
Ertzaintzak hiru pertsona atxilotu ditu, heldu bat eta bi adingabe, Arabako hiriburuan, estortsio-delitu bat egotzita.…
Ertzaintzako agenteek 40, 21 eta 20 urteko hiru gizon atxilotu zituzten bart Gasteizen, Alde Zaharrean…
Ertzaintzak 28 urteko gazte bat atxilotu du Arabako hiriburuan, joan den astean bikotekide ohiari sexu-erasoa…
Atxilotuak iruzurrezko beste bi salmenta egin zituen saltoki berean joan den hilean Gizon bat atxilotu…
Ertzaintzako agenteek gizon bat atxilotu dute Arabako hiriburuan edadeko emakume bati poltsa lapurtzeagatik. Emakumeak joan-etorriak…