25_0547 Gasteizen gizon bat atxilotu dute etxe berean bizi den beste gizon bati arma zuri batekin eraso egiteagatik
Gasteizen gizon bat atxilotu dute etxe berean bizi den beste gizon bati arma zuri batekin eraso egiteagatik
Prentsa Zerbitzua
2025-08-19
Ertzainek 66 urteko gizon bat atxilotu zuten atzo Arabako hiriburuan, etxe berean bizi den beste gizon bati labanarekin eraso egiteagatik. Biktimari zauriak egin zizkion eskuetan bere burua babesten saiatu zenean.
Erasoa atzo, astelehena, arratsalde erdian gertatu zen. Gizon bat Gasteizko ospitale batera joan zen arma zuri batekin egindako eraso baten biktima izan ondoren. Erasoa Arabako hiriburuko Adurtza auzoko etxe batean gertatu zen.
Ertzainek jakin ahal izan zutenez, erasoan inplikatutako bi gizonek eztabaida handia izan zuten etxean, eta batek labana erabili zuen bestearen aurka jotzeko eta eskuetan ebakiak egin zizkion, erasoa gelditzen saiatu zenean.
Patruila batek erasoa gertatu zen etxebizitzaren inguruan aurkitu zuen ustezko erasotzailea, eta identifikatu eta atxilotu egin zuen, biktimak zituen lesioengatik . Polizia-eginbideak amaitzen dituztenean, atxilotua Gasteizko Guardiako Epaitegiaren eskuetan jarriko dute.