Athletic Clubeko zinema eta futbol jaialdiaren XIII. edizioa urriaren 6tik 12ra egingo da BBK Aretoan
Baditugu datak Thinking Football Film Festival jaialdirako! Athletic Clubeko zinema eta futbol jaialdiaren XIII. edizioa urriaren 6tik 12ra egingo da BBK Aretoan.
2013an sortu zenetik, Thinking Football Film Festival zinema eta futbola uztartzen dituen munduko jaialdi ospetsuenetako bat bihurtu da. Athletic Club Fundazioak eta BBK Aretoak antolatutako edizio berri honek hamasei film izango ditu, laster iragarriko direnak.
Thinking Football zinema-jaialdia Athleticen kultur arloko proiektu nabarmenetako bat da. Fundazioaren kultura-proiektuek futbolaren kontzeptu desberdin baten alde egiten dute, kultura gizartea eraldatzeko elementu gisa eta futbola gazteen hezkuntza-prozesuan aliatu gisa erabiliz.
Europako estreinaldia barne
Inaugurazio ekitaldia urriaren 6an izango da, 19:00etan. Bertan, 2024ko Publikoaren Saria emango zaie James Erskine eta Rachel Ramsay 71 Kopako zuzendariei, EiTBk babestuta. Emanaldiaren ondoren, Saipan filma proiektatuko da, Lisa Barros D ‘Sak eta Glenn Leyburnek zuzendutako fikziozko film luzea. Film horrek Roy Keanek eta Mick McCarthy hautatzaileak Irlanda 2002ko Munduko Txapelketarako prestatzen ari zirela izandako liskar ospetsua islatzen du. Torontoko Nazioarteko Jaialdiko (TIFF) Centrepiece programarako hautatua, Bilbok Europako estreinaldia hartuko du. Filmak intentsitate handiz erakusten ditu futbolaren mundua hunkitu zuen gertakari hartako tentsio pertsonalak eta kolektiboak.
Edizio honetako kartel ofiziala Anna Huix argazkilari ezagunaren argazki batean oinarritzen da. Irudiak Nabila Pakistango neskato futbolaria erakusten du, eta Athletic Club Fundazioak eta jaialdiak sustatzen duten kulturaren eta futbolaren arteko batasunaren ikur bihurtzen da. Zinemaren bidez, mundua hobetzeko balio nahi duen batasuna.
Thinking Football Film Festival 2025 jaialdiaren programazio osoa, gonbidatutako pertsona ezagunak eta gainerako xehetasunak jaialdiaren webgunean izango dira aurki.
Atxilotuak iruzurrezko beste bi salmenta egin zituen saltoki berean joan den hilean Gizon bat atxilotu…
Ertzaintzako agenteek gizon bat atxilotu dute Arabako hiriburuan edadeko emakume bati poltsa lapurtzeagatik. Emakumeak joan-etorriak…
Jardunaldiaren barruan, dastaketak, produktuen salmenta eta sentsibilizazio-ekintzak egingo dira, Gipuzkoa plazan. Bidezko Merkataritzaren mugimenduak 40…
Una investigación conjunta entre el grupo de Cibercriminalidad Ikernet de la Ertzaintza en Gipuzkoa y…
El Departamento de Salud del Gobierno Vasco ha puesto en marcha el Consejo Asesor de…
La compañía ferroviaria guipuzcoana CAF ha cerrado el primer trimestre de 2026 con un beneficio…