25_0644 Lau atxilotu Barakaldon Arrasateko ehun-enpresa batean lapurreta egiteagatik
Servicio de prensa
2025-09-26
Ertzaintzak lau gizon atxilotu zituen atzo arratsaldean Barakaldon Arrasateko enpresa batetik 13.000 eurotik gorako balioa zuten ehun bat jantzi lapurtzeagatik.
Lapurreta atzo arratsaldeko hiru eta erdiak aldera egin zuten Arrasateko (Gipuzkoa) industrialde bateko enpresa batean. Jaso berri zituzten salgaiak orduantxe deskargatu zituzten langileen deskuidu-une bat aprobetxatu zuten delitugileek. Biltegitik kirol-jantziz betetako sei kaxa ateratzea eta furgoneta batean sartzea lortu zutenean, langile batek harrapatu zituen, eta honek alarma-oihua egin zuenean ihes egin zuten.
Handik laster, enpresaren arduradunek gertatutakoaren berri eman zioten Ertzaintzari, eta ordubetera, inplikatutako ibilgailuari buruz jasotako informazioan oinarrituta, Ertzaintzako agenteek Barakaldoko kale batean aurkitu eta geldiarazi zuten. Lapurtutako sei kaxak furgoneta barruan zeudela egiaztatu ondoren, lau bidaiariak atxilotu zituzten ebasketa-delitu batengatik.
Hamahiru mila eurotik gorako balioa zuten jantziak enpresaren arduradunari itzuli zizkioten, eta atxilotuak, 30 eta 36 urte bitartekoak, polizia-egoitzara eraman zituzten.
26_0304 La Ertzaintza inicia una investigación interna para aclarar las circunstancias que han rodeado la…
Ertzainek 28 urteko gizon bat atxilotu dute Arabako hiriburuan, haxixa zuten eta ustez saltzeko prestatuta…
Rufus T. Firefly taldeak datorren maiatzaren 22an Zarauzko Modelo Aretoan eskainiko duen kontzerturako sarrerak agortu…
Bi urte igaro dira Hondarribiko Udalak 2023-2027 legealdirako Euskararen Erabilera Sustatzeko Ekintza Plana (ESEP) onartu…
Liburuaren Eguna dela eta, Hondarribiko liburutegiak hainbat ekintza antolatu ditu irakurzaletasuna sustatzeko eta herritarren parte-hartzea…
La Ertzaintza ha interceptado en el área de servicio de Oiartzun a un varón de…