Donostian atxilotu dute genero-indarkeriagatik, urruntze-agindua urratu eta bikotekide ohiari eraso egiten ondoren

Ertzainek 36 urteko gizon bat atxilotu zuten atzo Gipuzkoako hiriburuan, bikotekide ohia babesteko epailearen agindua urratu eta haren etxean eraso egin ondoren. Emakumearen aurkako indarkeriaren arloko epaitegiaren eskuetan jarri ostean, epaileak atxilotua espetxeratzeko agindu zuen.

Atzo, osteguna, goizaldean gertatu zen Donostiako Amara auzoan. Ertzaintzaren patruilak ustezko lapurreta baten abisuari erantzutera joan ziren, baina berez genero-indarkeriako gertakari bat zen.

Agenteek etxe bateko atea jo zuten eta emakume batek ireki zien, eta honek agenteei esan zien eraso fisiko bat jasan zuela, erdi zorabiatuta utzi zuen mataleón teknika barne, eta, gainera, indarrez atxiki zuela eta ezin zela kanpora atera. Polizia-baliabideek jakin ahal izan zutenez, erasotzailea pertsiana bat eskalatu eta leiho txiki batetik sartu zen barrura, emakumearen borondatearen aurka. Emakumea bikotekide ohia zuen eta harengandik urruntzeko agindu judiziala zuen.

Ertzainak etxean sartu ziren biktimaren baimenarekin, eta gizona kutxa batean ezkutatuta aurkitu zuten.  Gizonak modu larrian aurre egin zien ertzainei, eta epailearen agindua urratzea, genero-indarkeriaren esparruko ustezko lesio-delitua eta hertsapena eta etxebizitzan indarrez sartzea leporatuta atxilotu zuten. Ertzaintzan jasota zegoenaren arabera, gizonak aurretik ere urratu zuen emakumearengandik urruntzeko agindu hori, biktimaren onespenarekin.

Atxilotua, 36 urtekoa, atzo jarri zuten Emakumearen aurkako indarkeriaren arloko epaitegiaren eskuetan, eta epaileak espetxeratzeko agindu zuen.