Ertzaintzako agenteek 33 urteko gizonezko bat atxilotu dute. Adinekoei eta mugikortasun murriztua dutenei indarkeriaz 13 lapurreta egitea egotzi diote, abuztuan eta irailean, Gasteizen. Erasoetako bost biktima zauritu egin ziren, eta osasun-zentroetara eraman behar izan zituzten.
Epaileak espetxera bidali du akusatua, gaur goizean epailearen aurretik igaro ostean.
2025eko abuztuan eta irailean, Ertzaintzak adineko pertsonei egindako lapurreten gorakada handi baten berri izan zuen, Gasteizko hainbat puntutan. Biktima gehienek mugikortasun murriztua zuten, eta oinez ibiltzeko taka-takak, makilak edo antzekoak behar zituzten.
Hori guztia dela eta, Gasteizko ertzain-etxeko agenteek ikerketak hasi zituzten indarkeriaz egindako lapurreta-kasu horien ustezko egileak identifikatzeko eta gertakariak egiaztatzeko, biktimak bereziki kalteberak zirelako alarma soziala sortu baitzuten.
Modus Operandi
Gaur arte, Ertzaintzak indarkeriaz egindako lapurretengatik eta ebasketengatik jarritako 13 salaketa zenbatu ditu, antzeko modus operandi batekin. Bertan, ustezko egileak, biktimen profila kontuan hartuta, delitua gauzatzeko beharrezkoa ez zen indarkeria erabiltzen zuen. Biktima gehienak taka-takarekin joaten ziren eta lapurreten tokiak atariak edo etxebizitzetarako sarbideak ziren.
Ikerketaren arabera, egileak neurriz kanpoko indarkeria erabili zuen ikertutako hainbat kasutan; izan ere, biktimak lurrera bota zituen, bertan utzi zituen, lesioak eragin zizkien, eta horietako bost larri ospitaleratu eta ebakuntza egin behar izan zieten. Akusatuak hamahiru kasu guztietan burutu zuen delitua, eta biktimen gauzak bereganatu zituen, besteak beste, poltsak, diru-zorroak, soin-uhal bat bat eta urrezko kateak.
Irailaren 9an, 93 urteko emakume bat oinez zihoan Arabako hiriburuko bere etxera, taka-taka baten laguntzaz eta orduan, atarira sartzean, akusatuak lepoan zeraman urrezko kateari tira egin zion eta biktimak zeraman poltsaz jabetu zen. Tiroaren ondorioz, egileak emakumea lurrera bota zuen. Akusatuak ihes egin zuen eta biktima bertan utzi zuen. Erabilitako indarkeriaren ondorioz, emakumea Txagorritxuko ospitaleko larrialdi-zerbitzura eraman behar izan zuten, eta ebakuntza kirurgikoa egin behar izan zioten aldaka eta humeroa hautsita zuzkalako.
Zaintzeko eta atxilotzeko dispositiboa
Beharrezko ikerketak eta analisiak egin ondoren, ikerketaz arduratzen ziren agenteek ondorioztatu zuten kasu guztien egilea 33 urteko gizonezko bat zela, aurrekari polizialak zituena, eta joan den hilabetean atxilotu zuela Ertzaintzak, EAEko hiriburuan erregistratutako antzeko gertakariengatik.
Joan den irailaren 29an dispositibo bat ezarri zen hura aurkitzen saiatzeko, ez baizekiten non egon zitekeen, ez zegoen ez Ertzaintzak zituen helbideetan, ezta aipatutako atxiloketan eman zuenean ere.
Joan den asteazkenean, urriaren 1ean, Ertzaintzak jakin zuen non zegoen, zehazki, Gasteizko hegoaldeko auzo bateko trasteleku-gune batean. Zaintza-dispositibo baten ondoren, akusatua atxilotu zuten, indarkeriaz egindako lapurretaren, lesioen eta ebasketaren ustezko delituak egotzita.
Trastelekuak miatu ondoren, hainbat objektu atzeman zituzten; besteak beste, atxilotuaren jantziak. Horiek guztiz bat datoz biktimek deskribatutakoekin eta ikerketan aurkeztutako frogekin.
Ertzain-etxean beharrezko eginbideak amaitu ondoren, gaur, larunbata, epailearen esku utzi dute akusatua, eta espetxeratzeko agindu dute.
Ertzainek 45 urteko gidari bat atxilotu dute gaur goizean Sopelan bide-segurtasunaren aurkako delitu bat leporatuta,…
El Consistorio bilbaino lanza esta oferta con la doble finalidad de apoyar a las familias…
El Tribunal Superior de Justicia del País Vasco ha respaldado la decisión de Forum Sport…
El Lehendakari Imanol Pradales ha encabezado hoy en Lehendakaritza una recepción oficial a los deportistas…
La Ertzaintza ha detenido en Irun a un hombre de 29 años y procedencia magrebí,…
El deporte de invierno guipuzcoano ha tenido un protagonismo especial en la recepción ofrecida por…