25_0689 Ertzaintzak Portugalete eta Santurtziko bost tabernatan indarra erabiliz egindako lapurreten ustezko egilea atxilotu du
Servicio de prensa
2025-10-16
Muskizeko Ertzain-etxeak Portugaleteko hiru ostalaritza-establezimendutan eta Santurtziko bitan egindako lapurreten inguruan abian jarritako ikerketaren ondorioz, ustezko lapurra, polizia-aurrekariak dituen 50 urteko gizona, atxilotu dute. Lokaletan sartzeko, sarrerako ateak eta leihoak behartzen edo horietako kristalak hausten zituen, eta batez ere lokaleko dirua eta aisialdiko makinetakoa lapurtzen zuen.
Uztailetik urriaren hasierara bitartean, Ertzaintzak tabernetan egindako lapurreten bost salaketa jaso ditu, horietako hiru Portugaletekoak eta beste bi Santurtzikoak. Establezimenduetan ateetako edo leihoetako kristalak hautsita sartu ziren, eta kasuren batean horiek behartuta. Barrura sartu ondoren, kutxa erregistratzaileetako eta diru-makinetako dirua eta alkoholdun edarien botilak lapurtu zituzten. Bildutako datuen arabera, lapurra pertsona bera izan zen kasu guztietan.
Egindako polizia- ikerketaren ondorioz identifikatu ahal izan zuten lapurreta horien ustezko egilea, 50 urteko gizona, eta atzo, asteazkena, goizean atxilotu zuten Portugaleten. Atxilotua espainiar nazionalitatekoa da, eta polizia-aurrekari ugari ditu, batez ere ondarearen aurkako delituengatik.
Beharrezko polizia-eginbideak amaitu ondoren, atxilotua epaitegira eramango dute.
El Departamento de Salud del Gobierno Vasco ha sido distinguido con el Premio FarmAsist 2026…
La Ertzaintza contabilizó durante el pasado año 2025 un total de 3.676 victimizaciones de personas…
El territorio de Bizkaia registró 6.312 victimizaciones de personas de 65 años o más durante…
La Cooperación al Desarrollo que impulsa y financia la Diputación Foral de Bizkaia dirige una…
El Gobierno Vasco ha dado luz verde a la licitación de las obras para construir…
El teniente de Diputada General y diputado de Sostenibilidad participa en IFAT 2026 junto a…