Barakaldon mataleon teknika erabiliz egindako lapurretaren egilea atxilotu dute

Atzo goizeko lehenengo orduan, 20 urteko gazte bat atxilotu zuten, Ertzaintzak, hilabete honen hasieran Barakaldon herritar bati indarkeria erabiliz, biktima mendean hartzeko mataleon maniobra eginez, egindako lapurretaren inguruan, egindako ikerketaren ondorioz. Atxilotua agintaritza judizialaren eskuetan utzi dute eta epaileak espetxeratzeko agindua eman du.

Orain atxilotu duten gazteari leporatutako egitateak urriaren 1eko gauean gertatu ziren. Barakaldoko Lutxanako geltokian trenaren zain zegoen herritar bati gazte bat hurbildu zitzaion atzetik, eta lepotik gogor heldu zion itolarria eragiteko. Aldi berean, buruan jo eta lurrera erorarazi zuen. Dirudienez, biktima jada lurrean zegoenean, erasotzaileak, une oro indarkeria handia erabiliz eta itotzeko maniobrarekin jarraituz, hainbat ukabilkada eman zizkion, eta lepoan zeraman katea kendu eta ihes egitea lortu zuen.

 Gertatutakoaren berri izan zuenean, Ertzaintzak zegokion ikerketa jarri zuen abian, eta egindako ikerketaren ondorioz lapurretaren ustezko egilea, 20 urteko magrebtarra, identifikatu ahal izan zuen. Susmagarria Bilbon aurkitu zuten atzo, asteartea, goizeko lehenengo orduan, eta indarkeria erabiliz lapurreta egitea leporatuta atxilotu zuten. Ondoren, epailearen eskuetan jarri zuten, dagozkion eginbideak amaitu ondoren, eta epaileak espetxeratzeko agindua eman zuen.