Ertzainek 22 urteko gazte bat atxilotu dute gaur, osteguna, goizaldean, Amurrion, bertako ostalaritza-establezimendu batean indarra erabiliz lapurreta egitea leporatuta. Beste bat gertaeran ustez parte hartu izanagatik ikertu dute.
Goizaldeko hiru eta erdiak aldera, Ertzaintzari jakitera eman diote Amurrioko taberna bateko intrusio-alarma aktibatu dela. Herrian zaintza-lanetan ari zen herritarren babeseko patruila bat berehala hurbildu da adierazitako establezimendura, eta egiaztatu du leiho bat zabalik zegoela eta behartu izanaren ageriko zantzuak zituela.
Une horretan lokalean inor ez zegoela egiaztatu ondoren, agenteek ingurua miatu dute, eta susmagarriak iruditu zaizkien bi gazte ikusi dituzte. Agenteek inguruan zertan ari ziren galdetu diete, baina ezin izan dute arrazoizko azalpenik eman.
Egindako ikerketen ondorioz, egiaztatu dute identifikatuetako bat tabernan sartu dela adierazitako leihotik, eta indarra erabiliz lapurreta egitea leporatuta atxilotu dute. Era berean, eginbideak ireki dizkiote magrebtar jatorria duen 25 urteko bere lagunari, delitu-egintza horretan ustez parte hartu izanagatik.
Atxilotua, 22 urtekoa, hau ere magrebtar jatorrikoa, polizia-egoitzara eraman dute beharrezko izapideak egin eta, horiek amaitzean, agintari judizialaren eskuetan jartzeko.
Ertzainek 47 urteko emakume bat atxilotu zuten atzo arratsaldean jabetzaren aurkako delitu bat leporatuta, emakumeak…
Ertzaintzaren agenteek 38 urteko gizon bat atxilotu dute kalte-delitua eta gorrotoa bultzatzearen delitua leporatuta, Irungo…
Nafarroako Gobernuak Zientziari eta Teknologiari buruzko 15/2018 Foru Legearen etorkizuneko eguneratzearen eduki nagusiak aurreratu ditu…
Amparo López Barneko, Funtzio Publikoko eta Justiziako kontseilariak Segurtasun Nazionaleko Gaietarako Konferentzia Sektorialean parte hartu…
Hezkuntzak gaitzetsi egin ditu pikete grebalariek Iruñeko Donibane Ikastetxe Integratuaren barruan egindako indarkeriazko ekintzak. STEILASek,…
DCIM100MEDIADJI_0612.JPG Gaur gauean, azaroaren 6tik 7ra, 22:00etatik 05:30era, Irunerako noranzkoan, Belateko tunelaren barruan, N-121-A errepidean,…