«Dantza Plazetan» ekimenaren edizio berri bat dator

Bilboko Udalak «Dantza Plazetan» ekimenaren edizio berri bat jarri du abian 2026ko hasierarekin batera. Urte osoan zehar euskal folklorea protagonista izango duten topaketak izango dira hiriko hainbat auzotan. Lehen saiorako, hainbat jarduera programatu dira, urte hasieratik ekainera bitartean, urtarrilaren 24an hasi eta ekainaren 27an, larunbatean, amaituko direnak.

Urte osoan zehar 58 topaketa egingo dira, doan, bilbotarrek kaleetan hainbat erromeria, kalejira, dantza alarde eta erraldoien kalejiraz gozatzeko aukera izan dezaten, euskal dantzak eta folklorea hurbildu, sustatu eta balioesteko helburuarekin.

Lehenengo hitzordua urtarrilaren 24an izango da, larunbata, Salbatzaile Dantza Taldearen erromeriarekin, Alde Zaharreko Santiago Plazan.

Berrikuntza gisa, Gaztedi Dantzari Taldeak Lantzeko Inauterietako dantza tipikoak ekarriko ditu Bilbora, Nafarroako ospakizun tradizionala. Hitzordua otsailaren 21ean izango da, larunbata, Santutxun. Gainera, aurten ekainean Larrain Dantza ospatuko da berriro, Gaztedi Dantzari Taldeak dinamizatuko duen beste ekitaldi tradizional bat, 2011tik egiten dena.

«Dantza Plazetan» programazioa osatzen duten tokiko taldeak hauek dira: Salbatzaile Dantza Taldea, Deustuko Folklore Taldeak, Ondalan Erraldoien Konpartsa, Bihotz Alai Dantza Taldea, Gaztedi Dantzari Taldea, Beti Jai Alai Dantzari Taldea, Bizkaiko Dantzarien Biltzarra, Goi Herri Dantza Taldea, Batasuna Arraizbide Dantza Taldea, Ibai Arte Dantza Taldea, Irutasun Dantzari Taldea, Goi-Herri Dantza Taldea eta Goi Alde Dantza Taldea.

«Dantza Plazetan» programaren helburua tokiko kultura sustatzea da, Bilboko auzoetako guneetara hurbilduz, herritarren parte-hartzea eta gizarte-kohesioa sustatzeko, kultura elementu bateratzaile gisa erabiliz. Hori dela eta, Bilboko 2023-2033 Kultura Plan Estrategikoaren jarduetan kokatzen da.