Bilbok Gure Ardoak ospatuko du, euskal edarien eta likoreen bikaintasunarekin

• 80 upategi eta euskal ekoizle inguruk parte hartuko dute showroom profesionalean, dastatzeekin eta topaketekin Euskalduna Jauregian.
• “Gure Ardoak gure edarien bikaintasuna eta tradizioa, kalitatea eta berrikuntza uztartzen dituen sektore baten potentziala erakutsiko ditu berriro”, azpimarratu du Amaia Barredok.

Bilboko Euskalduna Jauregiak astelehen honetan ospatuko du Gure Ardoak 2026 edizioa. Ekitaldia Eusko Jaurlaritzako Elikadura, Landa Garapen, Nekazaritza eta Arrantza Sailak eta HAZI Fundazioak antolatu dute. Hitzorduak 80 upategi eta ekoizle inguru bilduko ditu: Arabako Errioxako ardoak, Arabako, Bizkaiko eta Getariako txakolinak, Euskal Sagardoa jatorri-deiturako sagardoak, Basque Beer artisau-garagardoak, likoreak eta bestelako euskal edariak.

Ostalaritza, jatetxe, banaketa, txikizkako merkataritza, retail eta ostalaritza-eskoletako profesionalei soilik zuzenduta, Gure Ardoak euskal edarien presentzia sendotzeko aukera emango du bigarren urtez jarraian merkaturatze eta kontsumo-kanal ezberdinetan. Jardunaldian zehar, bertaratutakoek stand desberdinak bisitatu ahal izango dituzte, ardo, sagardo, garagardo eta destilatuen dastatze gidatuetan parte hartu, eta networking profesionalera eta negozio-aukerak sortzera bideratutako topaketak egin.

“Gure Ardoak gure edarien bikaintasuna berriro erakutsiko du, eta tradizioa, kalitatea eta berrikuntza uztartzen dituen sektore bat indartuko du. Eusko Jaurlaritzatik gure ekoizleei babesa ematen jarraituko dugu, euren produktuak Euskadin zein kanpoan aitortu daitezen. Herrialde honetan balio ekonomiko eta soziala sortzeko gai den sektore lehiakor, jasangarri eta moderno baten aldeko apustua da hau”, adierazi du Amaia Barredo Eusko Jaurlaritzako Elikadura, Landa Garapen, Nekazaritza eta Arrantza sailburuak.

Edizio honetan, 80 upategi inguruk parte hartuko dute showroom profesionalean. Asistentziari dagokionez, ekitaldia gonbidatutako publiko profesionalari soilik zuzenduta egongo da; une honetan 615 izen-emate erregistratu dira, eta 700 bisitari ingurura iristeko aurreikuspena dago, aurreko edizioaren izen-emate erritmoarekin bat eginez.

Gure Ardoak nazioarteko erosleen parte-hartzea ere izango du, Mexikotik eta Suitzatik etorritako hamar profesionalen presentzia baieztatuta. Horrez gain, 80 banatzaile baino gehiagorekin jarri da harremanetan, eta 18 erakundetatik etorritako 51 pertsonaren parte-hartzea baieztatu da, topaketaren izaera profesional eta komertziala indartuz.

Jardunaldian zehar, bertaratuek erakusketa-guneak bisitatu eta jarduera-programa oso batean parte hartu ahal izango dute; dastatzeak eta hitzaldiak izango dira, Mikel Garaizabal dibulgatzaileak koordinatuta. Programan sektoreko profesional ezagunek parte hartuko dute, hala nola José Ignacio Junguitu, Iñaki Suárez, Koro Santos edota DESTILATU eta Basque Beer erakundeetako ordezkariek. Besteak beste, edarien munduko joerak, txakolinaren eta sagardoaren papera ostalaritzan, ardo ekologikoen hedapena edo Euskadin artisau-garagardoaren gorakada bezalako gaiak jorratuko dituzte.

Horrela, Elikadura, Landa Garapen, Nekazaritza eta Arrantza Sailak sektorearekiko konpromisoa berretsi du, prestakuntza, aholkularitza teknikoa, berrikuntza, sustapena eta nazioartekotze-estrategiak barne hartzen dituzten ekimenak bultzatuz, identitatea, bikaintasuna eta jasangarritasuna uztartzen dituen edari-sektore bat sendotzeko helburuarekin.

Gure Ardoak 2026ko parte-hartzaile diren upategiak eta ekoizleak

BOGA GARAGARDOA
LVRE WINES
SEÑORIO DE ARANA
UKAN WINERY
VALLOBERA
BIDEONA
MANUEL QUINTANO LABASTIDA
OSTATU
BLAI TXAKOLINA
BODEGAS DE LA MARQUESA
VIÑA BUJANDA
LICORES Y VERMOUTH BARAÑANO
BODEGAS Y VIÑEDOS PUJANZA
BODEGAS LAS ORCAS
BODEGA BERROJA
BODEGAS LOLI CASADO
BODEGAS FOS
MAISULAN
SIDRAS BEREZIARTUA SAGARDOAK
BODEGA K5
ALUTIZ VINOS
BODEGAS VALDELANA
GORKA IZAGIRRE
BODEGA BELLO BERGANZO
HIRUZTA BODEGA
BASQUE MOONSHINERS
CARMEN F. URIARTE – VITICULTURA Y VINO
BODEGA 202
PETRITEGI
BODEGAS HEREDAD DE ADUNA
BODEGA AITAREN UPATEGIA
BODEGA GIL BERZAL
LUBERRI MONJE AMESTOY
GAINTZA
OIHARTE
BODEGAS FERNÁNDEZ DE PIEROLA
BODEGAS BIKAIN
MOKOROA TXAKOLINA
GARCÍA DE OLANO
EZKI WINES
BODEGAS AMADOR GARCÍA
EGUREN UGARTE
BODEGAS FAUSTINO S.L.
BODEGAS TIERRA
BODEGAS MURO
UGABE TXAKOLI
TALAI BERRI TXAKOLINA
BODEGAS COVILA
TXOMIN ETXANIZ
DONIENE GORRONDONA
TXA TXABARRI
BODEGAS ITSASMENDI
TXAKOLI AMEZTOI
TALLERI BERRIA UPATEGIA ETA MAHASTIAK
ARTOMAÑA TXAKOLINA
BODEGA MAGALARTE LEZAMA
BODEGAS RAMÍREZ BAIGORRI
ISASTEGI
JOSE BASOCO BASOCO
BODEGAS CASA PRIMICIA
BODEGAS RUIZ DE VIÑASPRE
GARTZIATEGI SAGARDOAK
ZEBERIO
BASQUELAND BREWING COMPANY S.L.
GARATE
BODEGAS ONDALAN
BODEGA QUINTANA
TXAKOLI GURE AHALEGINAK
BODEGAS VIRGEN DE LOREA
BODEGAS COSME PALACIO
INSALUS
BYRA CERVEZA ARTESANA
BODEGA AMAREN
ZAMPANO GARAGARDOAK
PAGOA
ERLETE GOIKOA TXAKOLINA