Ertzaintzak adingabe bat atxilotu du gaur goizaldean Areetan, lesio larrien delitu bat egotzita. Atxilotuak bi labankada eman dizkio biktimari lepoan eta bizkarrean, eta osasun-zentro batera eraman dute, larri zaurituta.
Liskarra goizaldeko ordu bata inguruan izan da, Getxoko Areeta auzoko parke batean. Patruilek jasotako testigantzen arabera, gazte bat, beste hiru lagunekin batera, banku batean eserita zeuden hiru mutilengana joan da, eta haiekin eztabaidatzen hasi da, jarrera oldarkorra erakutsiz. Labana bat atera ondoren, hiru gazteak korrika atera dira noranzko ezberdinetan, eta bietako bat harrapatu du, bi labankada jasota, bata lepoan eta bestea bizkarrean.
Gertaera horien ostean, ustezko egileak ihes egin du, eta hainbat herritar biktimari laguntza ematera joan dira. Ertzaintzako agente batek lepoan zuen zauria itxi du eta, handik gutxira, Larrialdi Zerbitzuek zauritua, 18 urteko espainiar bat, ospitalera eraman dute.
Bien bitartean, Ertzaintzaren patruilek Getxoko etxebizitza batean aurkitu dute ustezko egilea, eta bertan atxilotu dute. Pertsona horrek zauri bat zuen hankan, eta, horregatik, osasun-zentro batean artatu dute, poliziaren zaintzapean.
Adingabeen Fiskaltzari gertatutakoaren berri eman ondoren, atxilotua, 15 urtekoa eta nazionalitate espainiarrekoa, aske utziko dute beharrezko izapideak amaitutakoan.
Ertzaintzako agenteek 36 urteko gizon bat atxilotu zuten atzo, hilketa saiakera egotzita. Dirudienez, inplikatuak arma…
Ertzaintzaren eta Polizia Nazionalaren arteko operatibo bateratu bati esker, biktimak prostituzioan aritzen ziren etxebizitzetan indarkeriaz…
26_0069 Ertzaintzak 198 adingabe atxilotu zituen 2025ean, atxiloketa guztien % 2,14 izan ziren Ertzaintzak 198…
Ertzaintzak 43 urteko gizon bat atxilotu zuen atzo arratsaldean, sexu-askatasunaren aurkako delitua leporatuta. Atxilotuak labana…
26_0068 La Ertzaintza detiene en Bilbao a una mujer por el homicidio de su pareja…
Ertzainek 24 urteko gizon bat atxilotu dute Arabako hiriburuan osasun publikoaren aurkako delitua leporatuta, kokaina…