26_0118 Lau gazte atxilotu dituzte Ermuan beste bati eraso eta lapurreta egiteagatik

Ertzaintzak lau gizon atxilotu ditu gaur goizaldean, Ermuan beste bati eraso egitea eta indarkeriaz lapurreta egitea leporatuta. Inplikatuetako bat Ermuan atxilotu dute eta beste hiru Durangon, trenean ihes egin ondoren.

Gaur goizaldeko 05:40an, Ermuako Udaltzaingoak Ertzaintza udal-bulegoetara agertzeko eskatu du, gazte bat barruko arropan agertu dela eta minutu batzuk lehenago hainbat gaztek eraso eta lapurreta egin diotela azaldu diela esanez.

Bertaratu diren baliabideek gertatutakoari buruzko informazioa bildu dute. Biktimak, espainiar nazionalitateko 22 urteko gizonak, azaldu duenez, gauean arazoak izan ditu hainbat gazterekin, eta lehenengo aukeran lagun bati eraso egiten saiatu dira taberna batean zeudenean, eta erasoa eragozteko tartean sartu behar izan du. Gero, erasotzaileekin berriz topo egin duenean, batek jo egin du. Azkenik, bere etxera zihoanean, gazteetako batek txistu egin dio, eta inplikatuak gainera joan zaizkio eta lurrera erori da.

Erasotzaileek jo egin dute eta bere arropa eta telefono mugikorra kendu dizkiote, eta erdi biluzik utzi dute kalean.

Ertzainek Ermuako Euskotrenen geltokian aurkitu dute ustezko erasotzaileetako bat, eta, miatu dutenean, bere gauzen artean biktimaren telefono mugikorra aurkitu dute. Aldi berean, Durangoko Ertzain-etxeko ertzainek trenean Durangoraino joan diren beste hiru inplikatu identifikatu dituzte.

Lau gazteak, 18, 19, 21 eta 22 urtekoak, horietako hiru Saharaz hegoaldekoak eta bestea magrebtarra, indarkeriaz lapurreta egitea eta lesio-delitua leporatuta atxilotu dituzte.

Atxilotuak Ertzaintzaren egoitzan egongo dira epailearen eskuetan jarri arte.

La víctima por su parte tuvo que ser trasladada al hospital de Mendaro para ser atendido de las lesiones que presentaba.