26_0135 Gizon bat atxilotu dute Irunen edukiontzi bat erretzeagatik

Gizon bat atxilotu dute Irunen edukiontzi bat erretzeagatik

Ertzaintzako agenteek 21 urteko gazte bat atxilotu dute gaur gauerdian Irunen, altzari publikoetan kalteak eragiteagatik. Atxilotuak nahita erre du paperezko edukiontzi bat.

Gaur gauerdian, herritarren laguntzari esker, Ertzaintzak Irungo Anzaran auzoan edukiontzi bat erre berri zuen gazte bat atxilotu ahal izan du. Baliabideen esku-hartze azkarrari esker, susmagarria atzeman ahal izan dute, gertakariaren lekukoek emandako deskribapenarekin guztiz bat zetorrelako. Era berean, gazteak aitortu du edukiontzia erre duela agenteen aurrean, eta egindako prebentziozko erregistroan metxero manipulatu bat aurkitu diote, errekuntza errazteko eta bizkortzeko.

Atxilotu ondoren, Espainiako nazionalitatea duen gaztea ertzain-etxera eraman dute beharrezko izapideak egiteko eta epailearen esku uzteko.

Azken bi hilabeteetan Irunen ibilgailu eta altzari publikoetan eragina izan duten edukiontziak erre direla antzeman da. Ertzaintzak ikerketa zabalik du, atxilotuak aurreko sabotajeetan parte hartu ote zuen jakiteko.