Nerea Melgosa: «Familia politiketan egindako edozein inbertsio herri inbertsioa da»

Nerea Melgosa sailburuaren hitzetan, gaur Onda Vascan egindako elkarrizketa batean, familia-politiketan edozein inbertsio herrialdean egindako inbertsioa da. Sailburuaren arabera, Euskadin asko aldatu da sare sozio-demografikoa, eta horrek haurtzaroko eta nerabezaroko politiken ikuspegia aldatzea ekarri du. «Familiak askotarikoagoak dira, eta horren adibide da guraso bakarreko familien hazkundea. Martxan jarri berri dugun egiaztagiriaren bidez, ikusaraztea lortu dugu, eta mota horretako 21 mila familia daudela uste dugu. Horrez gain, guraso bakarreko familia zer den definitu dugu «azpimarratu du Nere Melgosak. Guraso bakarreko familien ziurtagiri berriaren bidez, familia horiek hobariak eskatu ahal izango dituzte udal edo mankomunitateetan.

Atzo Gobernu Kontseiluak Familia, Haur eta Nerabeen V. Plana onartu ondoren, sailburuak hainbat galderari erantzun die, seme-alaba bakoitzeko 200 euroko laguntza 4 urtera arte luzatzeari buruz. Melgosak onartu du jaiotza-tasa sustatzeko laguntza dela, baina argi utzi du ezin dela bakarra izan. «Jaiotza-politikak 200 euroko laguntzatik harago doaz, beste kide batzuk daude, hala nola kontziliazioa, haurreskolak PADI programa, doako garraioa…» gogorarazi du Ongizate, Gazteria eta Erronka Demografikoko sailburuak. Aitatasun- eta amatasun-baimenak luzatzeko aukerari dagokionez, Nerea Melgosak esan du Euskadin herritarren eskaria eta borondate politikoa daudela.

Sare sozialak eta adingabeak

Gaurko irrati-elkarrizketan, Ongizate, Gazteria eta Erronka Demografikoko saileko arduradunak iragarri du fiskaltzarekin, Altxa Burua bezalako kolektiboekin eta plataforma digitalekin bilduko dela, Espainiako Estatuko Gobernuak 16 urtetik beherakoek sare sozialak erabiltzeko iragarritako debekuari buruz hainbat adituren jarrera jasotzeko. «Gure adingabeak babesteko lanari ekingo diogu. Haurtzaroari eta Nerabezaroari buruzko Legeak ezartzen duenez, adingabeak eskubide osoko subjektuak dira eta ahotsa dute, baina, era berean, pertsona helduok gure haurrak babestu behar ditugula adierazten du. Prebentzioaz eta hezkuntzaz hitz egin behar dugu «azaldu du Melgosa sailburuak.

Immigrazioa

Elma Saiz ministroarekin immigrazioari buruzko gaiak aztertzeko izandako bileraren harira, sailburuak gogorarazi du egutegi bat sortu dela immigrazioaz hitz egiteko, egoera irregularrean dauden etorkinen erregulazioan eta Euskadirako Iparraldeko Muga deklaratzeko eskaeran arreta jarriz. «Migrazio-prozesu seguruak, ordenatuak eta duinak errazteaz ari gara», adierazi du sailburuak.