26_0146 Detenido por investigación uno de los autores de un robo violento ocurrido en octubre en Sestao

Ertzaintzak gizon bat atxilotu du joan den urrian Sestaoko parke batean gizon bati indarkeriaz lapurreta egitea eta lesioak eragitea leporatuta. Ertzaintzako Polizia Zientifikoak biktimaren jantzi baten DNA analisia egin izanari esker identifikatu eta atxilotu dute lapurretako bat.

Egitateak Sestaoko Karmengo auzoko parke batean gertatu ziren 2025eko urriaren 1eko 03:30ean. Biktima, hegoamerikar jatorriko 33 urteko gizona, banku batean eserita zegoenean, bi gizon hurbildu zitzaizkion eta, eraso eginez, telefono mugikorra kentzea lortu zuten, kolpeak saihesteko bere burua defendatzen saiatu zen arren.

Biktimak egiaztatu zuen bere jantzietan ustezko erasotzaileen odol-arrastoak zituela, eta Ertzaintzari eman zizkion, beraz.

Agenteek jantziak aztertu eta DNA laginak lortu zituzten, eta Ertzaintzaren Polizia Zientifikora bidali zituzten analisia egiteko.

Lortutako laginak poliziaren datu-basearekin alderatu zituztenean emaitza positiboa lortu zuten, eta ustezko erasotzailearen odol-laginak magrebtar jatorriko 27 urteko gizon batenarekin bat zetozela egiaztatu zuten.

Pertsona hori atzo, asteazkena, 20:30ean, aurkitu zuten Sestaon, eta indarkeria erabiliz eta lesioak eraginez lapurreta egitea leporatuta atxilotu zuten. Atxilotuak polizia-egoitzan jarraitzen du, agintari judizialaren eskuetan noiz jarriko zain.

Ertzaintzak ikertzen jarraitzen du lapurretan parte hartu zuen bigarren pertsona identifikatzeko.