Ertzaintzak lau gizon eta emakume bat atxilotu ditu Aretxabaletako enpresa batean indarrez lapurreta egitea leporatuta. Inplikatuak lapurreta egitera sartu ziren enpresatik hartutako metalezko piezekin kargatutako furgoneta batean zihoazen.
Atzo, osteguna, 17:30 aldera, Aretxabaletako Etxebarri auzoko enpresa bateko segurtasun-jagoleek Ertzaintza bertaratzeko eskatu zuten, hainbat pertsonak atzeko ateak behartu zituztela eta lantegitik materiala lapurtu ondoren ihes egin zutela esanez.
Adierazitako lekura zihoazen ertzainek enpresa inguruan aurkitu zuten inplikatutako furgoneta. Ibilgailuan lau gizon eta emakume bat, 24, 27, 44, 50 eta 55 urtekoak, guztiak espainiar nazionalitatekoak, zihoazen, eta identifikatu ondoren atxilotu egin zituzten gauzetan indarra erabiliz lapurreta egitea leporatuta, enpresatik hartutako aluminiozko 55 pieza baitzeramatzaten. Gainera, egiaztatu zutenez, atxilotuek ateak behartu zituzten lantegira sartzeko.
Atxilotuetako lau, hiru gizon eta emakumea, polizia-egoitzara eraman zituzten beharrezko eginbideak betetzera, eta bosgarrena aske geratu zen osasun-arazoak zituenez.
Atxilotuak gaur, ostirala, goizean jarriko dituzte epailearen eskuetan.
Ertzaintzak gizon bat atxilotu du Busturiako (Bizkaia) baserri batean lapurtzen saiatzeagatik. Atxilotuak jabetzako hesi batetik…
Ertzaintzak emakume bat atxilotu du gaur goizaldean Arabako hiriburuan substantzia estupefazienteen hainbat kopuru atzeman ostean,…
Ertzaintzak ikerketa abiatu du gertakariengatik Gizon bat atxilotu dute Barakaldon, indarkeriaz egindako lapurreta baten deiari…
26_0248 Gizon bat atxilotu dute Basaurin bikotekidea indarkeriaz hil duelakoan Gizon bat atxilotu dute Basaurin…
Ertzaintzak 19 eta 21 urte bitarteko bost gazte atxilotu ditu gaur arratsaldean Murgian, Gasteizen 17…
Euskadiko Larrialdi Zerbitzuen arteko koordinazioak eta su hartzen hasi den gai arriskutsuen kamioi baten gidariak…