Eusko Jaurlaritzak Lehendakariaren dekalogoa Espainiako Gobernuak iragarritako neurrietan sartu izana baloratzen du

Eusko Jaurlaritzak Espainiako Gobernuak Ekialde Ertaineko gatazkaren ondorioak arintzeko iragarritako neurrietan lehendakariaren «dekalogoa» sartu izana baloratzen du.

Joan den astean, Lehendakariak premiazko neurrien dekalogo bat helarazi zion Espainiako Gobernuari, familien faktura elektrikoa murrizteko – familiak eta pertsona ahulenak babesteko –, eta, bereziki, euskal industriaren faktura elektrikoa murrizteko.

Industriaren Defentsarako Taldeak egindako bileran euskal industriaren ordezkariei entzun ondoren, aurreko astean egin zituen Lehendakariak proposamen horiek. Bilera horretan, industriak aho batez eskatu zuen argindarraren faktura murrizteko neurriak lehenbailehen hartu behar zirela.

Paradoxa da euskal industriak Frantzia eta Alemaniako gure lehiakideek baino faktura elektriko handiagoa ordaintzen duela, nahiz eta elektrizitate hori ekoiztearen kostua txikiagoa izan. Azken bosturtekoetan Espainiako hainbat gobernuk faktura elektrikoari gehitu dizkioten distortsioen eta gain kostuen ondorio da hori.

Gaur Espainiako Gobernuak onartutako neurriak jendaurrean jakinarazi ondoren, Eusko Jaurlaritzak, Lehendakariaren dekalogoan jasotako proposamenak jaso izana baloratzen du, faktura elektrikoa murrizten laguntzen dutelako lehiakortasunean irabazteko.

Neurri horien artean sartzen dira:

• Elektrizitatearen BEZa %10era jaistea
• %7ko elektrizitatea sortzeko zerga eteta
• Elektrizitatearen gaineko zerga berezia %0,5era murriztea
• %80ko hobaria industria elektrointentsiborako bidesari elektrikoetan.

Era berean, CO2aren zeharkako kostuak konpentsatzeko mekanismorako zenbatekoa jakiteko zain geratzen gara, Euskadik eskatu bezala.

Eusko Jaurlaritzaren iritziz, neurri horiek aurrezpen handia ekarriko diote euskal industria elektro intentsiboari, Ekialde Ertaineko gerraren ondorioz prezioak igotzen ari baitira. Neurri beharrezkoak dira euskal sektore siderurgikoarentzat, Trump muga-zergen ondorioak pairatzen ari baitzen.

Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuak adierazi duenez, «azterketa sakonago baten faltan, faktura elektrikoaren murrizketak euskal ezkutu industriala indartzen du».

Jauregik azpimarratu duenez, «Eusko Jaurlaritzatik hilabeteak daramatzagu salatzen gure industriak Frantziak eta Alemaniak baino faktura elektriko handiagoa ordaintzen duela energia-kostua txikiagoa denean. Horregatik, faktura elektrikoari gainkostuak kentzea edo murriztea eskatzen genuen».

Eusko Jaurlaritzak Espainiako Gobernuak iragarritako beste neurri batzuk aztertuko ditu, hala nola autokontsumo fotovoltaikoa bultzatzeko laguntza eta neurri fiskalei, bero-ponpei eta ibilgailu elektrikoak kargatzeko puntuei. Horiek guztiak indarrean daude jada Euskadin.

Lehen azterketa horretan, Eusko Jaurlaritzak faltan botatzen du shock bikoitza, muga-zerga eta orain energia, jasan duten konpainiei laguntza handiagoa ematea.

Eusko Jaurlaritzak, nazioarteko ziurgabetasunaren aurrean arrisku handiena duen industria-sarea babesteko proposamenak helarazi zizkion Espainiako Gobernuari. Lehen azterketa horretan, eta bihar ofizialki argitaratuko diren neurrien xehetasunak ezagutu gabe, Eusko Jaurlaritzak, faltan botatzen du azken urte honetan shock bikoitza, arantzelarioa eta energetikoa jasan duten industria-enpresentzako neurri espezifikoak hartzea.

Hasierako irakurketa honen ondoren, Eusko Jaurlaritzak balorazio zehatzagoa egingo du datorren astean.