Ertzainek, ikerketa baten ondorioz, 35 urteko gizon bat atxilotu zuten atzo Arabako hiriburuan, joan den otsailean indarkeriaz egindako lapurreta batean parte hartu zuelakoan.
Orain atxilotu duten gizonari leporatzen dioten lapurreta otsailaren 27ko goizaldean gertatu zen. Gasteizko Alde Zaharrean espainiar nazionalitateko 37 urteko herritar bati bi gizon hurbildu zitzaizkion eta bortxaz kolpatu zuten, lurrera erorarazi arte. Lurrean zegoenean, immobilizatu egin zuten eta bere gauzak miatu zizkioten, eta soinean zeraman telefono mugikorra kendu zioten.
Gertatutakoaren berri izan zuenean, Ertzaintzak zegokion ikerketa hasi zuen, eta ikertutakoaren ondorioz ustezko lapurretako bat, magrebtar jatorriko 35 urteko gizona, antzeko delitu-egintzetan parte hartzeagatik aurrekari ugari dituena, identifikatzea lortu zuen.
Susmagarria atzo, osteguna, arratsaldean aurkitu zuten, eta atxilotu egin zuten indarkeria erabiliz lapurreta egitea leporatuta. Ondoren, polizia-egoitzara eraman zuten beharrezko eginbideak betetzeko.
Ikerketak zabalik jarraitzen du bere laguntzailearen identitatea jakiteko.
Ertzainek 45 urteko gidari bat atxilotu dute gaur goizean Sopelan bide-segurtasunaren aurkako delitu bat leporatuta,…
El Consistorio bilbaino lanza esta oferta con la doble finalidad de apoyar a las familias…
El Tribunal Superior de Justicia del País Vasco ha respaldado la decisión de Forum Sport…
El Lehendakari Imanol Pradales ha encabezado hoy en Lehendakaritza una recepción oficial a los deportistas…
La Ertzaintza ha detenido en Irun a un hombre de 29 años y procedencia magrebí,…
El deporte de invierno guipuzcoano ha tenido un protagonismo especial en la recepción ofrecida por…