Emakumeen kirola sustatzeko dirulaguntza deialdia egin da 30.000 euroko zuzkidurarekin

Arabako Foru Aldundiak emakumeen kirola sustatzeko 2026rako dirulaguntzen deialdia argitaratu du Arabako Lurralde Historikoaren Aldizkari Ofizialean (ALHAO) eta 30.000 eurorekin zuzkitu du.  Eskaerak aurkezteko epea apirilaren 30ean amaituko da.

Kirol arloan berdintasuna lortzeko bidean aurrera egiten jarraitzea da deialdiaren helburua.  Araban kirol federatuan nabarmena da genero arrakala: 2024an, emakumeen lizentziak guztizkoaren % 27,78 baino ez ziren izan.

Gainera, emakumeen parte hartzea tradizioz feminizatuta egon diren diziplina jakin batzuen inguruan biltzen da oraindik ere, eta horrek agerian uzten du egiturazko desberdintasunak dirauela kirol munduan murgildu eta jarduteari dagokionez.

Testuingurua horrela, Arabako Foru Aldundiak ekintza positiboko neurri gisa bultzatzen ditu laguntza horiek, emakumeek kirol modalitate guztietan eta maila guztietan parte har dezaten sustatzeko, euren aisialdian zein lehiatzeko mailan.

Dirulaguntzen helburua da emakumeen kirola sustatzeko programak eta jarduerak garatzen dituzten Arabako erakundeei ekonomikoki laguntzea, eta, horren bidez, emakumeen aukera berdintasuna eta kirol praktikan erabat integra daitezen lortzen laguntzea.

Laguntzak norgehiagoka bidez emango dira, Kultura eta Kirol Sailaren dirulaguntzen oinarri orokorren arabera.
Deialdia ebazteko epea sei hilabete izango da gehienez, hura ALHAOn argitaratzen denetik aurrera.