Nafarroako Ospitale Unibertsitarioak (NOU/HUN), Nafarroako Osasun Ikerketarako Institutuak (IdiSNA) eta Miguel Servet – Navarrabiomed Fundazioak (FMS-NBM) aurkeztutako ‘Nafarroan barrena ospitalean’ proiektuak Ospitaleetan Kalitatea Hobetzeko Saria jaso du, Sanofik eta Avedis Donabedian Fundazioak babestua. Ekimenaren helburua da NOUko Geriatria unitatean ospitaleratuta dauden adinekoen bizi-kalitatea eta sozializazioa hobetzea, jarduera fisikoa eta mentala eta gamifikazio-estrategia uztartzen dituen programaren bidez. Horrela, solairuko korridoreak Nafarroako hainbat paisaiatan oinarritutako ibilbide bilakatu dira, eta pazienteek beren independentzia-mailara egokitutako ibilbideak jarraituz egin beharko dute. Saria Geriatria Zerbitzuko burua den Nicolas Martinez Velillak jaso du, apirilaren 15ean, asteazkena, Bartzelonan egindako ekitaldi batean.