Lanbidek 22 milioi baino gehiago onartu ditu langabeak euskal enpresetan kontratatzeko laguntzetan

• Gazteen, 50 urtetik gorakoen eta desgaitasuna duten pertsonen kontratazioa eta laneratzea bultzatu du Euskal Enplegu Zerbitzu Publikoak, hainbat programaren bidez

 

Lanbidek 22,2 milioi eurotik gorako laguntza sorta bat onartu du asteazken honetan, eta gazteak, adinekoak eta desgaitasuna duten pertsonak enplegu zentro berezietan kontratatzeko dirulaguntzak hartzen ditu bere baitan. Datozen hilabetetan, ia 7.000 pertsona kontratatzea edo enpleguari eustea bultzatuko du Euskal Enplegu Zerbitzu Publikoak.

Mikel Torres Lehendakariordea eta Ekonomia, Lan eta Enplegu sailburua buru duen Lanbideko Administrazio Kontseiluak Lehen Aukera programara 8,8 milioi bideratzea onartu du. Programa hori da palanka nagusia 30 urtetik beherako pertsonek kalitatezko enpleguak lortzeko. Laguntzak eskatzeko epea 2026ko urriaren 15ean amaituko da, eta 2026ko urtarrilaren 1etik aurrera kontratatzen duten enpresak baliatu ahal izango dira. Dirulaguntzaren zenbatekoa aldatu egiten da titulazioaren eta kontratu motaren arabera, eta % 10 gehiago handitzen da kontratua emakume batekin sinatzen denean, enpleguan genero aldea murrizteko neurri gisa.

50 urtetik gorako pertsonak kontratatzeko laguntzek 2,5 milioiko partida dute. Lanbiden erregistratutako langabeen % 43,90ek gainditzen dute adin hori, eta, beraz, laguntza horiek kopuru hori murriztea dute helburu. Programa horrek kontratu mugagabeak eta aldi baterakoak diruz laguntzen ditu, zenbateko garrantzitsu eta graduatuetan, lanpostuen kualifikazio mailaren arabera, baina kualifikazio maila guztietara irekita. Gainera, % 15eko hobaria izango dute kontratatutako pertsona emakumea bada edo 55 urte edo gehiago baditu.

Halaber, Administrazio Kontseiluak enplegu zentro berezietarako hiru jarduera onartu ditu. Lanbide Jarduerari Laguntzeko Unitateentzako laguntzen deialdiak 5,5 milioi izango ditu desgaitasuna duten langileen gizarteratzeari eta laneratzeari laguntzeko langileen kostuak finantzatzeko.

Desgaitasuna duten pertsonen lanpostuei eusteko laguntzak ere 4,5 milioi eurotan handituko dira, eta guztira 76,1 milioi bideratuko dira. Igoera hori plantillen hazkundearen eta lanbide arteko gutxieneko soldataren igoeraren ondorio da. Eta, hirugarrenik, gizarte ekimeneko enplegu zentro berezietan enplegu egonkorra sortzeko inbertsiorako laguntzen deialdia milioi bat eurokoa izango da, erakunde onuradun bakoitzarentzat muga 100.000 eurokoa izangoa da.

Deialdi horiek guztiak Eusko Jaurlaritzaren egoitza elektronikoaren bidez izapidetuko dira, eta bat datoz 2030 Enpleguaren Euskal Estrategiarekin. Estrategia horren arabera, aukera berdintasuna, enpleguaren kalitatea eta gizarte bazterkeriaren aurkako borroka dira enplegu politika publiko aktiboen funtsezko ardatzak.

Seis lankidetza hitzarmen

Bestalde, Lanbidek Gasteizko Udalarekin, Arabako Foru Aldundiarekin eta EHUrekin lankidetza hitzarmen bat sinatzea ere onartu du, Vitoria-Gasteizko Enplegu Foroa, Empleo Gune 2026 antolatzeko. Foro hori Araban enplegua sustatzeko erakundeen arteko lankidetza espirituaren erakusgarri ona da. 2025. urtea arrakastatsua izan zen pertsonen, enpresen eta lan eskaintzen partehartzeari dagokionez, eta espero da 2026an aurreko ekitaldiko zifrak gainditzea.

Erakundeen eta enpresen arteko lankidetzari dagokionez, bost lankidetza hitzarmen sinatzea onartu da Bizkaiko enpresa taldeekin —ACLIMA, Basque Food Cluster, BUILD:INN, Metaleko Enpresen Bizkaiko Federazioa eta Euskal Itsas Foroa—, 3R Enpresa Programaren esparruan. Programa hori Bizkaiko Foru Aldundiko Enplegu Sailaren finantzaketarekin sustatu da, langabetuak enplegu nitxo berrietan birkokatzea sustatzeko. Hitzarmen horiei esker, laneko orientazio, prestakuntza eta bitartekotza ibilbide pertsonalizatuak garatu ahal izango dira, lurraldeko sektore estrategikoen benetako beharretara egokituta.