Ertzaintzak Arabako hiriburuan adineko gizon bati lapurreta egin zion gizonetako bat atxilotu du. Biktimari bere etxeko atariko sarreran hurbildu zitzaizkion eta lurrera bota zuten erlojua kentzeko.
Atzo, asteazkena, arratsaldeko seiak aldera, Ertzaintzako baliabideak Gasteizko Adurtza auzora joan ziren pertsona bati lapurreta egin ziotelako. Iritsi zirenean, agenteak biktimarekin, mugitzeko taka-taka bat erabiltzen ari zen 90 urteko gizon espainiar batekin, harremanetan jarri ziren.
Gizonak agenteei esan zienez, bere etxeko atariko sarreran ezezagun bat atzetik hurbildu zitzaion, eta, elkarren aurka indarka aritu ondoren, lurrera bota zuen eta eskumuturrean zeraman erlojua kendu zion. Agenteek osasun-laguntza eskatu zuten gizona artatzeko.
Gertakarien lekukoetako batek ikusi zuen erasotzailea ataritik presaka irteten, eta zain zuen gazte batek, ihes egiten jarraitzeko, eman zion patinetea hartzen. Herritar horrek lapurrari lagundu zion pertsona atxiki zuen, eta ertzainek atxilotu egin zuten.
Gasteizko Ertzain-etxetik ikerketa hasi dute delituaren arduradun nagusia identifikatu eta atxilotzeko.
Atxilotua magrebtar jatorriko 25 urteko gizona da, eta gaur goizean jarri dute epailearen eskuetan.
Ertzaintzak ikertzen ari zen eta makuluak zituen pertsona bati, laguntzeko itxurak eginez, 6.000 euro lapurtu…
Ertzainek bi gazte atxilotu dituzte Arabako hiriburuan, indarkeria erabiliz egindako lapurreta-saiakuntza bana leporatuta. Lapurretetako bat…
La Ertzaintza ha arrestado en Irun a dos hombres acusados de los delitos de hurto…
Por primera vez, Donostia es la sede de este certamen estatal que reúne a los…
“Se trata de un proyecto basado en el trabajo colaborativo con numerosos agentes de Bilbao,…
La Ertzaintza procedió ayer tarde a la detención de un hombre de origen magrebí y…