Atxilotua, 21 urtekoa, etxean bizi den pertsonaren ohean lotan harrapatu zuten eta trenbiderantz ihes egin zuen. Gainera, janaria prestatzeko hainbat tresna erabili zituen etxean egon zen bitartean.
Atzo, asteazkena, goizean, Ertzaintzako agenteei Pasaiara, tropoaren trenbidera, joateko eskatu zieten, leiho batetik jauzi eginda etxebizitza batetik ihes egin zuen gazte bat baitzegoen. Jabeak pare bat egun zeramatzan etxetik kanpora, eta gaztea, aukeraz baliatuz, barrura sartu zen sarrerako atea behartuta.
Familiarteko batzuk etxebizitzara bisitan joan zirenean, kalteak hauteman zituzten ateko sarrailan, eta barruan norbait sukaldean janaria prestatzen aritu zela ikusi zuten. Jarraian, arrotz bat gela batean lotan aurkitu zuten, eta honek, pertsona horiek ikusi zituenean, etxetik ihes egin zuen leiho batetik trenbidera jauzi eginez, aurretik bideo-kontsola bat, dirua eta objekturen bat edo beste hartuta.
Bertaratu ziren agenteek geltokiko nasan aurkitu zuten lapurra, eta etxe batean indarra erabiliz lapurreta egiteagatik atxilotu eta polizia-egoitzara eraman zuten. Lapurtutako objektuak konfiskatu egin zizkioten jabeei itzuli ahal izateko.
Atxilotua, 21 urtekoa, datozen orduotan jarriko dute agintari judizialaren eskuetan.