24_0030 Euskadiko Larrialdi Zerbitzuek istripua izan duen mendizale bat erreskatatu dute Udalaitz mendian
Prentsa zerbitzua
2024-01-16
Euskadiko Larrialdi Zerbitzuek 28 urteko mendizale bat erreskatatu dute gaur, Udalaitz mendian erori ondoren. Zauritua zenbait orduz ohatila batean eraman behar izan dute lurretik, haize-baldintzek ez baitute helikopteroz erreskatatzeko aukera eman.
Gaur, goizeko hamaikak eta erdi inguru, SOS Deiak 112 zerbitzuan jasotako dei batek ohartarazi du Udalaitz menditik jaisten ari zirenean lagun bat erori dela eta ezin zuela ibili. Berehala mobilizatu dituzte Gipuzkoako suhiltzaileak eta Ertzaintzaren Zaintza eta Erreskate Unitateko helikoptero bat eta mendiko ataleko kideak.
Haizea eta inguruko hodeiak zirela eta, ezin izan da mendizalea aireontziarekin erreskatatu. Hori dela eta, Zaintza eta Erreskate Unitateko ertzainek eta suhiltzaileek zauritua ohatilan eraman behar izan dute lurretik Arrasate eta Elorrio udalerrien artean dagoen Kanpazarko harrobiraino. Itxuraz haustura zuen zango batean.
Erreskatatzaileek arratsaldeko lauak eta erdi inguru utzi dute biktima anbulantzia batean, eta Gasteizko Txagorritxu ospitalera eraman dute.
25_0475 Markinan atxilotu dute drogarekin trafikatzeagatik Markinan atxilotu dute drogarekin trafikatzeagatik Prentsa Zerbitzua 2025-07-15 Ertzaintzak…
M pour Montréal musika jaialdiak 20. urteurrena du aurtengoa eta azaroaren 18tik 22ra izango da Quebec-en.…
Etxepare Euskal Institutuak eta LABORAL Kutxak urtero antolatzen duten itzulpen sarira proposamenak bidaltzeko epea irekita…
BASQUE. MUSIC. egitasmoak Euskal Herriko musikariei zuzendutako bi deialdi berri abian jarri ditu, euskal talde eta…
Arriaga Antzokiaren ‘Moto-Membra Jesu Nostri’ ekoizpena Liublianara (Eslovenia) joango da DoSEL – Drama of Smaller European…
Industria siderurgikoak hitzordu garrantzitsua du urriaren 21etik 23ra International Steel Week-en, Steel Tech, Congress &…