24_0080 Barakaldon atxilotu dute 2023ko azaroan Basauriko etxe batean egindako lapurreta ikertu ondoren
Prentsa Zerbitzua
2024-02-07
Ertzainek 2023ko azaroan Basauriko etxe batean egindako lapurretaren ustezko egilea atxilotu dute Barakaldon. Ikerketari esker identifikatu eta atxilotu ahal izan dute aipatutako etxetik, beste objektu batzuren artean, ustez bitxiak, erlojuak eta dirua lapurtu zituen pertsona.
Ertzaintzak ikertu eta argitu duen Basauriko etxe bateko lapurreta iazko azaroaren amaieran gertatu zen. Lapurra atea itxita zuen etxe batean sartu zen, baina giltzari buelta eman gabe zegoenez, horrek erraztu egin zuen lapurra sarrailan kalterik eragin gabe sartzea.
Etxetik, besteak beste, bitxiak, erlojuak, dirua eta dekorazio-objektuak falta zirela konturatu ziren. Hori dela eta, Ibaizabalgo Ertzain-etxeko agenteak ikertzen hasi ziren lapurreta egin zuen pertsonaren identitatea jakiteko.
Polizia-ikerketa horri esker identifikatu ahal izan dute gertakari horietan inplikatutako gizona, etxebizitzetako era horretako lapurretetan aurrekariak dituena. Ikertzen aritu diren agenteek atzo aurkitu zuten Barakaldon, eta atxilotu eta Ertzaintzaren egoitzara eraman zuten.
Atxilotua jada jarri dute Barakaldoko Guardiako Epaitegiaren eskuetan.
25_0773 Ertzaintzaren Zaintza eta Erreskate Unitateko Mendi Taldeak Mungiako Tallu Mendizale Kirol Klubeko mendiko larrialdi-lantegian…
Bilboko Ertzain-etxeko Ondarearen Arloko Delitu Informatikoen Atalak 4.988,29 euroko iruzur bat blokeatu du. Iruzurgileek, telefono-dei…
Iaz, guztira, Ertzaintzako 444 agente jubilatu ziren, 391 gizon eta 53 emakume. Segurtasun Sailak omenaldia…
25_0770 Euskadiko Larrialdietako Zerbitzuek Oiartzunen, Arditurri meatze-gunean, istripua izan duen mendizale bat erreskatatu dute Euskadiko…
25_0769 Santurtziko taberna baten arduraduna atxilotu dute drogarekin trafikatzeagatik Santurtziko taberna baten arduraduna atxilotu dute…
Ertzaintzak 14, 17 eta 18 urteko hiru gazte atxilotu ditu urrian Bilbon adingabe bati indarkeria…