Ertzaintzak, Bilboko Udaltzaingoaren laguntzaz, bost gazte atxilotu ditu eta ikertu gisa eginbideak ireki dizkie beste 24 pertsonari, Irala auzoan liskar iskanbilatsu batean parte hartzeagatik; liskarrean arma zuriak eta objektu arriskutsuak erabili zituzten. Borrokaren ondorioz, bi pertsona zauritu ziren eta ospitalean artatu behar izan zituzten.
Ertzaintzak jakin zuen Eibarko eta Bilboko bi gazte taldek sare sozialen bidez hitzordua jarri zutela atzo, igandea, Bizkaiko hiriburuan, Irala auzoan, futbol-partida bat jotzeko. Dirudienez, kirol-norgehiagoka amaitu zenean, arratsaldeko zortziak aldera, bi taldeak elkarri eraso egiten hasi ziren, arma zuriak eta bestelako tresna arriskutsuak erabiliz. Borrokaren ondorioz, hainbat pertsona zaurituta geratu ziren eta horietako bi Basurtuko ospitalera eraman zituzten.
Lekura agertu ziren Ertzaintzaren dotazioek bost gazte, 15 urtetik 19 urtera bitartekoak, atxilotu zituzten lesio-delitua leporatuta, eta beste 24 pertsonari, ikertu gisa, eginbideak ireki dizkiete liskar iskanbilatsuagatik.
Atxilotuak polizia-egoitzara eraman zituzten gero, zegozkion izapideak egin eta, horiek amaitzean, agintari judizialaren eskuetan jartzeko.
La Ertzaintza ha detenido a un joven de 18 años de edad por ser el…
El llamamiento a la ciudadanía donostiarra para que se inscriba en la próxima edición de…
NanoGUNE ha comenzado la construcción de la Torre Cuántica -The Quantum Tower-. El Lehendakari, Imanol…
La Tasa de Residuos Urbanos es un tributo totalmente nuevo, y de obligado cumplimiento a…
Se trata de una medida trabajada y consensuada con el sector, incluida en el denominado…
Durante el primer trimestre de 2025 la población de la Comunidad Autónoma Vasca aumentó en…