Bizkaiko Foru Aldundiak Txorierriko bizikleta-pistako Erletxeta eta Larrabetzu arteko zatia eraikitzeko proiektua onartu du

Bizkaiko Foru Aldundiak Txorierriko bizikleta-pistako Erletxeta eta Larrabetxu arteko zatia eraikitzeko proiektua onartu du; sare honek Txorierriko Harana eta Mungialdea lotuko ditu. Sare global horren barruan Erletxeta-Larrabetzu tarte hau Galdakaoko enklabea eta Lutxana (Erandio) lotuko dituen ardatzaren lehenengo zatia da eta burutzeko 11,95 milioi euroko aurrekontua eta 18 hilabeteko epea ezarri dira.

Bo noranzkoko bizikleta-pista honek oinezkoen trafiko erantsita du, Erletxeta industrialdearen inguruetatik Larrabetzuko industrialdera dauden 3,4 kilometroko luzera du, eta Artola auzoa zeharkatzen du. Zirkulatzeko esparruaren zabalera 6 metrokoa izango da; horietako lau txirrindulariek bakarrik erabiliko dituzte, eta beste biak oinezkoentzat dira. Bi zerrendak oso argi bereizten dira, eta motordun trafikotik bereiziko dira erabiltzaileen segurtasuna bermatzeko, espazio irekiak, parkeak, lorategiak eta basoak  zeharkatuz.

Ibilbide honek, kirol-aisialdirako aukera ez ezik, Galdakao eta Larrabetzu arteko mota guztietako joan-etorrietarako benetako alternatiba izan nahi du eta, aldi berean, bere eremu geografikoko garraio publikoko sareetara oinez eta bizikletaz sartzea erraztuko du (merkantzia-trenak, autobus-lineak…).

Ibilbidea Txorierriko Haranaren eta Mungialdearen arteko sare aurrekonfiguratuan kokatzen da. Sare hau honela antolatuta dago:

• Ardatz nagusia, Bilbo, Etxebarri, Basauri, Galdakao, Amorebieta-Etxano, Iurreta, Abadiño, Berriz eta Zaldibar zeharkatzen dituena.
• Bigarren ardatz nagusia, Erletxeta  eta Lutxana (Erandio) artekoa; atal honen lehenengo zatia orain onartutakoa da.
• Eta bigarren mailako ardatz bat, bizikleta bidezko mugikortasuna Mungiarantz eta bere eskualderantz artikulatzen duena.