Ertzaintzako agenteek 35 urteko gizon bat atxilotu dute Irunen, indarkeriaz egindako lapurreta batean parte hartu duelakoan. Erasoaren biktima ospitalera eraman behar izan zuten jasandako lesioen ondorioz.
Herenegun, igandea, gaueko hamaikak baino lehentxeago, Ertzaintzari jakinarazi zioten minutu batzuk lehenago herritar bati lapurreta egin ziotela Irunen. Dirudienez, hiru gizonek bide publikoan inguratu zuten bizikletan zihoala, bortizki bultzatuz eta bizikletatik eroraraziz. Lurrean zegoela, erasotzaileek eraso egin zioten eta telefono mugikorra eta dirua lapurtu zizkioten.
Inguruan zaintza-lanak egiten ari zen herritarren babeserako patruila bat gertakariaren lekura hurbildu zen, eta egiaztatu zuen salatzaileak kolpe handia zuela aurpegian, eta ospitalera eraman behar izan zuten.
Egindako ikerketen ondorioz, lapurretan parte hartu zutenetako bat aurkitu zuten. Susmagarriak odol arrastoak zituen zapatiletan, eta beharrezko egiaztapenak egin ondoren, atxilotu egin zuten.
Jarraian, ertzain-etxera eraman zuten atxilotua, beharrezko eginbideak egiteko. Ikerketak irekita jarraitzen du, delitu-ekintza horretan konplizeak nor diren baieztatu ahal izateko.
Gazteen, 50 urtetik gorakoen eta desgaitasuna duten pertsonen kontratazioa eta laneratzea bultzatu du Euskal Enplegu…
«Neure burua aukeratzen dut, kea albo batera uzten dut» lelopean, erretzeari uzteak osasunerako dakartzan onurei…
Liburutegi digital publikoak 165.000 mailegu baino gehiago egin ditu 2025ean, eta erabilera indartu da herritarren…
Barakaldoko Udalak harrera egin zien atzo 2023ko eta 2024ko EPEetan eskainitako plazen bidez hirira iristen…
Segurtasuna Koordinatzeko Batzordeak 2025eko Vitoria-Gasteizko delinkuentzia-datuen bilakaera eta Udaltzaingoak eta Ertzaintzak intzidentzia handiena duten eremuetan…
Justizia eta Giza Eskubideen sailburuak Memoria Demokratikoaren Lurralde Kontseiluko bileran parte hartu du gaur Justizia…