24_0248 Donostia, bi atxilotu etxe batean lapurreta egiten saiatzeagatik
Servicio de prensa
2024-04-29
Ertzaintzako agenteek 35 eta 28 urteko bi gizon atxilotu dituzte gaur, astelehena, goizaldean, Donostian, eraikin bateko sarrerako atea behartzen ustekabean harrapatu ondoren.
Goizaldeko bost eta erdiak baino zertxobait lehenago, polizia bertaratzeko eskatu dute Donostiako etxe batetik, herritar batek bi pertsona hauteman baititu etxeko atea behartzen. Antza denez, harrapatu egin dituztela ikustean, ustezko lapurrek ihes egin dute.
Inguruan zaintza-lanetan ari zen herritarren babeseko patruila bat hurbildu da adierazitako lekura, eta eraikineko sarrerako ateak kalte nabarmenak zituela eta sarraila hondatuta zegoela egiaztatu du.
Horren aurrean, ertzainek ingurua aztertu dute, eta lapurreta egiten ustez saiatu diren pertsonen ezaugarri fisikoekin bat zetozen bi gizon aurkitu dituzte. Susmagarriak identifikatu egin dituzte, eta dagozkion frogaketak egin ondoren, etxebizitza batean indarra erabiliz lapurreta egiten saiatzea leporatuta atxilotu dituzte.
Atxilotuak polizia-egoitzara eraman dituzte dagozkion izapideak egitera, agintari judizialaren eskuetan jarri aurretik.
Ertzaintzak emakume bat atxilotu du Lasarte-Orian edadeko beste emakume bati lapurreta egitea leporatuta. Emakumea modu…
Ertzaintzako agenteek bi gizon atxilotu dituzte, Bizkaiko hiriburuko hainbat etxebizitzatan indarra erabiliz lapurreta egitea leporatuta.…
26_0330 La Ertzaintza y las Policías Locales de las Encartaciones realizarán controles conjuntos Ertzaintzak eta…
Barakaldoko Udaleko Herritarren Segurtasunerako Arloak astearte honetan egin du Udaltzaingoko langileei eta Babes Zibileko boluntarioei…
Talde Motorra Elgoibarren bildu da, Lehentasunezko Jarduera Eremuaren bide-orrian jasotako proiektuen eta jarduketen azken urteko…
Bingen Zupiria eta Elixabete Etxanobe lurraldeko segurtasunaren egoeraren eta ikuspegi integral batetik aurkezten diren etorkizuneko…