24_0348 Espetxeratu egin dute Tolosaldean hainbat lapurreta egin dituen gaztea
Servicio de prensa
2024-06-14
Ertzaintzak Ibarrako ostalaritza-establezimendu batetik dirua eta bi telefono mugikor lapurtzeagatik atxilotutako 26 urteko gaztea Martuteneko espetxera eraman dute. Atxilotua Tolosaldeko beste establezimendu batzuetan egindako lapurretengatik ere ari ziren ikertzen.
Atxilotutako gaztea Tolosaldeko establezimenduetan lapurretan aritzen zen delitugile ezaguna da. Joan den astearte goizaldean, pertsona hori Ibarrako ostalaritzako lokal batean sartu zen leiho bat behartuta, eta dirua eta bi telefono mugikor lapurtu zituen.
Gertatutakoaren berri izan bezain laster, jabea Ertzaintzarekin harremanetan jarri zen, eta bertaratu ziren baliabideek segurtasun-kameren bidez identifikatu ahal izan zuten ustezko lapurra. Ingurua miatu ondoren, susmagarria Tolosako geltokian aurkitu eta atxilotu zuten. Pertsona horri tabernatik lapurtutako bi telefono mugikor eta dirua aurkitu zizkioten.
Ondarearen aurkako delituengatik polizia-aurrekari ugari dituen atxilotua agintaritza judizialaren eskuetan jarri zuten, eta guardiako epaileak Martuteneko espetxera eramateko agindua eman zuen.
26_0336 Detenido por intento de homicidio a su pareja en Donostia / San Sebastián Gizon…
Ertzaintzak ikertzen ari zen eta makuluak zituen pertsona bati, laguntzeko itxurak eginez, 6.000 euro lapurtu…
Ertzainek bi gazte atxilotu dituzte Arabako hiriburuan, indarkeria erabiliz egindako lapurreta-saiakuntza bana leporatuta. Lapurretetako bat…
Ertzaintzak Arabako hiriburuan adineko gizon bati lapurreta egin zion gizonetako bat atxilotu du. Biktimari bere…
La Ertzaintza ha arrestado en Irun a dos hombres acusados de los delitos de hurto…
Por primera vez, Donostia es la sede de este certamen estatal que reúne a los…