Ertzaintzako agenteek 21 urteko gazte bat atxilotu zuten atzo, asteazkena, arratsaldeko azken orduan Portugaleten, herritar batek soinean zeraman katea tiraka lapurtzen saiatzeagatik. Hainbat lesio eragin zizkion gainera.
Atzo, arratsaldeko zortzi eta erdiak pasata, Portugaleteko San Roke auzoan ertzaintzari deitu zioten, bi pertsona borrokan ari zirelako. Inguruan zaintza-lanak egiten ari zen herritarren babeserako patruila bat adierazitako gunera hurbildu zen, eta egiaztatu zuen herritar bat gazte bat atxikitzen saiatu zela, lepoan zeraman katea lapurtzen saiatu zelakoan.
Salatzaileak jakinarazi zuenez, kalean hurbildu zitzaion, eta tiraka kendu zion katea. Helburua lortzen saiatu zenean, kolpeka hasi zitzaion, eta borrokan ari zela, hainbat lesio izan zituen.
Biktimak osasun-laguntza behar izan zuen, zauriak zenbaterainokoak ziren ikusita, eta, egoera horren aurrean, berehala atxilotu zuten susmagarria, indarkeriaz egindako lapurreta-delitu bat egotzita.
Atxilotuak aurrekari ugari ditu antzeko delituetan parte hartzeagatik, beti ere indarkeria bortitza erabiliz. Ertzain-etxera eraman zuten beharrezko eginbideak egiteko, eta epailearen esku utzi zuten.
Ertzaintzak gizon bat atxilotu du Aretxabaletan droga-trafikoko delitu bat egotzita. Atxilotua patinete batekin zihoala atzeman…
26_0336 Detenido por intento de homicidio a su pareja en Donostia / San Sebastián Gizon…
Ertzaintzak ikertzen ari zen eta makuluak zituen pertsona bati, laguntzeko itxurak eginez, 6.000 euro lapurtu…
Ertzainek bi gazte atxilotu dituzte Arabako hiriburuan, indarkeria erabiliz egindako lapurreta-saiakuntza bana leporatuta. Lapurretetako bat…
Ertzaintzak Arabako hiriburuan adineko gizon bati lapurreta egin zion gizonetako bat atxilotu du. Biktimari bere…
La Ertzaintza ha arrestado en Irun a dos hombres acusados de los delitos de hurto…