24_0538 Bi atxilotu Gorlizko etxe batean lapurreta egiteagatik, eta hirugarren bat lapurtutako objektuak errezibitzeagatik
Servicio de prensa
2024-10-01
Ertzainek 21 eta 45 urteko bi pertsona atxilotu dituzte Gorlizko bizitza bakarreko etxe batean lapurreta egitea eta 43 urteko hirugarren bat lapurtutako objektuak errezibitzea leporatuta.
Lapurreta joan den uztailaren erdialdera egin zuten Gorlizko bizitza bakarreko etxe batean. Lapurrak leiho bat behartuta sartu ziren barrura, eta gama altuko hainbat erloju lapurtu zituzten.
Biktimek emandako datuez baliatuz, Bizkaiko Ikerketa Kriminaleko Zerbitzura atxikitako Ertzaintzako agenteek lapurtutako objektuak eta lapurrak aurkitzeko beharrezko kudeaketak egin zituzten. Erlojuak Bilboko salerosketako lokal batean aurkitu zituzten, eta, konfiskatu ondoren, legezko jabeari itzuli zizkioten.
Ikerketaz arduratu ziren agenteek egindako ikerketaren ondorioz, irailaren erdialdera aurkitu eta atxilotu zuten lapurtutako objektuak errezibitzen zituen eta gero saldu egiten zituen pertsona bat. Bestalde, Gorlizko etxean lapurreta egin zuten pertsonak atzo atxilotu zituzten Bilbon, eta prebentziozko miaketan urrezko eraztun bat, erloju bat eta gama altuko bi telefono konfiskatu zizkieten, ustez legez kanpoko jatorria zutelakoan. Falta diren eginbideak amaitu ondoren, atxilotuak agintari judizialaren eskuetan jarriko dituzte.
Ertzaintzak hiru gizon atxilotu ditu Laudion, ibilgailuetan indarra erabiliz lapurreta egiteagatik; bi gizon, 29 eta…
Ertzainek 27 urteko gizon bat atxilotu dute Oñatin, larderiaz lapurreta egiten saiatzea leporatuta. Atxilotuak airsoft…
La XXVI edición de la Jornada de Empresa Familiar, organizada por la Fundación Antonio Aranzabal…
El primer encuentro tendrá lugar el 25 de abril, de 11:00 a 14:00 horas; los…
La embarcación masculina de Orio hizo historia este domingo en Legutiano al recuperar un trono…
La Ertzaintza arrestó ayer por la tarde en el barrio donostiarra de Altza a un…