25_0010 Barakaldo, Ertzaintzaren patruila batek gizon batek beste bati arma zuri batekin eraso egitea saihestu du
Prentsa Zerbitzua
2025-01-05
Ertzaintzako agenteek 23 urteko gizon bat atxilotu dute gaur goizaldean Barakaldon, lesio-delitu bat egotzita. Polizia-patruilak esku hartu du erasotzaileari labana bat kentzeko, kalean beste gizon bati erasotzen ari zitzaionean.
Gertakariak gaur, igandea, izan dira, 05:30ean, Barakaldoko Zaballa kalean. Herritarren Babeserako patruila bat bi gizonek kalean izandako borrokaren lekuko izan da, eta agenteek azkar esku hartu dute erasoak jarrai ez zezan.
Gizonetako batek labana bat zuen eskuan, eta beste gizona zauritzen saiatzen ari zen. Ertzainetako batek bere polizia-makilarekin erasotzailearen eskua jo behar izan du arma zuria kentzeko. Jarraian, erasotzailea atxilotu du Ertzaintzak.
Biktimak, beste gizonak, ebaki sakona jasan du ezker eskuan borrokan, eta lehen osasun-laguntza jaso du gertakarien tokira bertaratutako anbulantzian.
Atxilotua ertzain-etxera eraman dute, Barakaldoko Guardiako Epaitegiaren esku utzi arte.
Ertzainek 56 urteko gizon bat atxilotu dute gaur goizaldean Arabako hiriburuan, leiho bat behartuta sartu…
Bidaia instituzionalaren hirugarren egunean, Veneziako Bienalaren 61. edizioa bisitatu dute, arte garaikidearen nazioarteko ekitaldi nagusitzat…
Aste honetan Arangurenen C4 linearekin lotzen den tren-anezka jarri da abian. Hiru tren gehiago izango…
Osasuneko sailburuordeak, Gontzal Tamayo doktoreak, sailburuordea bera buru den Aholku Batzorde hau aktibatu du, egoera…
Gizonduz, berdintasunaren aldeko gizonekin eta maskulinitateekin lan egiteko zerbitzuaren eskutik, euskal udalerrietako teknikariei eta politikariei…
Ertzainek 23 urteko gizon bat atxilotu dute edadeko emakume bati indarkeriaz lapurreta egitea leporatuta. Gizonak…