Ertzaintzako agenteek 43 urteko gizon bat atxilotu dute gaur goizaldean Barakaldon, beste gizon bati labana batzuk atera eta heriotza-mehatxuak egiteagatik. Bere jarrera bertan behera utz zezan saiatu den polizia-baliabide baten aurka ere jo du.
Gertaera gaur izan da, 04:45 aldera, Barakaldon. Zenbait oinezkok Ertzaintzaren patruila bati jakinarazi diotenez, gizon batek hainbat aizto zeramatzan dantzaleku bateko atearen aurrean.
Poliziak ikusi du gizonak bi arma zuri zituela eta beste pertsona bati heriotza-mehatxuak egiten zizkiola. Erasotzaileak hiru labana gehiago zeramatzan gerrian. Ertzainetako bat ezkutu batekin armatutako gizonaren eta lokaletik ateratzen ari ziren bezeroen artean jarri da. Beste agente batek behin eta berriz eskatu dio bere jarrera bertan behera uzteko, baina erasotzaileak ere mehatxu egin dio ertzainari, eta haren aurka oldartu da. Agenteak arauzko arma atera behar izan du, gertakarien egilea erasotzea saihesten zuen bitartean.
Une horretan, uniformedun beste baliabide batzuk iritsi dira, eta erasotzailea menperatzea lortu dute. Guztira, sukaldeko bost aizto atzeman dizkiote, eta agenteek atxilotu egin dute, mehatxu larriak egitea eta agintaritzaren agenteei eraso egitea egotzita.
Atxilotua Sestaoko ertzain-etxean dago, harik eta Barakaldoko Guardiako Epaitegiaren esku utzi arte.
Ertzaintzak gizon bat atxilotu du Aretxabaletan droga-trafikoko delitu bat egotzita. Atxilotua patinete batekin zihoala atzeman…
26_0336 Detenido por intento de homicidio a su pareja en Donostia / San Sebastián Gizon…
Ertzaintzak ikertzen ari zen eta makuluak zituen pertsona bati, laguntzeko itxurak eginez, 6.000 euro lapurtu…
Ertzainek bi gazte atxilotu dituzte Arabako hiriburuan, indarkeria erabiliz egindako lapurreta-saiakuntza bana leporatuta. Lapurretetako bat…
Ertzaintzak Arabako hiriburuan adineko gizon bati lapurreta egin zion gizonetako bat atxilotu du. Biktimari bere…
La Ertzaintza ha arrestado en Irun a dos hombres acusados de los delitos de hurto…