Categorías: albisteak-berriak

Ertzaintzak adingabe bat atxilotu du droga-trafikoagatik Lemoako diskoteka batean

Ertzaintzak Lemoako diskoteka batean egindako drogen aurkako operatibo batean adingabe bat atxilotu dute droga-trafikoagatik, eta lokalaren arduraduna ikertu dute, establezimenduko hainbat lekutan substantziak aurkitu baitituzte. Hainbat bezerori zehapen administratiboak jarri dizkiete legez kanpo substantzia sorgorgarriak eta debekatutako armak edukitzeagatik.

Larunbatetik iganderako goizaldean, Ertzaintzak drogen aurkako dispositibo bat gauzatu du Lemoako diskoteka batean, Durangoko Ertzain-etxeko mugapean droga-trafikoaren aurka borroka egiteko.

Operatibo horren ondorioz, adingabe bat atxilotu dute, eta kolore marroiko substantzia bat, ustez haxixa, zuten 22 poltsatxo eta billete txikitan banatuta 625 euro konfiskatu dizkiote. Gaztea, polizia-operazioaz jabetu denean, larrialdietako atetik ihes egiten saiatu da. Hala ere, irteera hori zaintzen ari ziren agenteek atzeman dute. Saltzeko prestatutako dosi txikitan banatuta legez kanpoko substantziak zituela egiaztatu ondoren, droga-trafikoa leporatuta atxilotu dute.  

Polizia-egoitzan zegozkion eginbideak bete ondoren, gaztea aske utzi dute gurasoen eskuetan, agintari judizialak deitu zain.

Bestalde, lokalean egindako miaketan, agenteek substantzia-kopuru txikiak aurkitu dituzte jendearentzat irekitako establezimenduko hainbat gelatan, gehienak haxixa eta marihuana, eta, ustez bertan zeudenak bota dituzte polizia-baliabideak ustekabean agertu direnean.  

Lokaleko arduradunaren bulegoan ere hainbat substantzia aurkitu dituzte, besteak beste, “speed” edo anfetamina sulfatoa eta kokaina, eta 1.500 euro ere konfiskatu dituzte legez kontrako jatorria dutela susmatuta.

Operatiboan, Durangoko Ertzain-etxeko herritarren babeserako agenteei Brigada Mugikorreko, Segurtasun Pribatuko, Joko eta Ikuskizun Unitateko eta Txakur Unitateko agenteek lagundu diete, eta txakurrek aurkitu dituzte establezimenduko gela pribatuetan ezkutatutako substantziak.

Konfiskazioez gain, agenteek lau espediente ireki dizkiete bezeroei substantzia sorgorgarriak edukitzeagatik, eta beste biri debekatutako armak eramateagatik, zehazki labana bat eta ukabil amerikar bat.

albisteak

Compartir
Publicado por
albisteak

Entradas recientes

26_0286 Gizon bat atxilotu dute Bilbon telefono mugikorrak lapurtzeagatik eta horien jabeen banku-kontuetatik dirua ateratzeagatik

Joan den igandean, apirilaren 12an, Bilboko Ertzain-etxeko agenteek 21 urteko gizon bat atxilotu zuten, telefono…

9 horas hace

26_0285 Santurtziko taberna batean lapurreta egiteagatik atxilotu dute

Ertzaintzako agenteek gizon bat atxilotu dute, orain dela sei egun indarra erabiliz egindako lapurreta bat…

12 horas hace

26_0284 Joko-aretoetako erruleta-makinak manipulatzen zituen talde kriminal bateko burua atxilotu dute Irunen

Ertzaintzak 29 urteko gizon bat atxilotu zuen joan den ostegunean Irunen, joko-areto batean makinak manipulatzen…

12 horas hace

26_0283 Oiartzunen gizon bat atxilotu dute zirkulatzen ari ziren bi ibilgailutan kalteak egiteagatik

Ertzainek 24 urteko gizon bat atxilotu dute gaur goizaldean Oiartzunen kalte-delitu bat leporatuta, industrialde batetik…

12 horas hace

«Hondakinik gabeko jolasak» sendotu egin dira Barakaldon, 4,74ko batez besteko balorazioarekin bere hirugarren edizioan

Alba Delgado Barakaldoko Udaleko Garapen Iraunkorreko eta Ingurune Naturaleko zinegotziak «Hondakinik gabeko jolasaldiak» (Hondakinik gabeko…

12 horas hace

Barakaldoko Udalak ETSri eskatzen dio premiaz jardun dezala Burtzeña eta Irauregi arteko trenbidearen hondatze larriaren aurrean

Amaia del Campo alkateak gutun bat bidali dio ETS – Euskal Trenbide Sareko zuzendari nagusiari,…

12 horas hace