Bilboko Udala Adinekoen Nazioarteko Egunaren ospakizunean murgildu da

PRUEBA

Beste behin, Bilboko Udala Adinekoen Nazioarteko Egunaren ospakizunean murgildu da. Goizean, harrera egin zaie hiriko adinekoen elkarteei, eta arratsaldean, Campos antzokian, «Bilbo, adineko pertsonekin» gala ospatu zen.

Juan Mari Aburto Bilboko alkatea izan da galaren bosgarren edizio honetako buru. Ikusleen artean, Bilboko 700 adineko pertsona baino gehiago egon dira, eta zinegotzi batzuk eta erakundeetako agintari batzuk ere izan dira. Tor magoak eta Los Cinco Bilbainos musika-taldeak girotu  dute festa.

Emanaldiez gain, Grupo Nervión, Telebilbao eta Radio Nervióneko Joseba Solozabal eta Yaiza Arrizabalaga kazetariek aurkeztutako galan «Bilbo, adinekoen lagun» sariak eman zaizkie Carmen Badiola, María Jesús Lanciano eta Víctor Iturbururi.

Omendutako pertsonei dagokienez, alkateak nabarmendu du «pertsona kalteberenekin aktiboki parte hartu eta inplikatu direla, gure adinekoei lagun eginez, desgaitasuna duten pertsonak zainduz eta abar. Beren borondatez eta beren ahalegin pertsonalarekin gure gizartea hobetzeko lan egin dute, altruismotik abiatuta, letra larriz«.

Urtero ematen diren sarion bitartez, haututako pertsonen ibilbide altruista nabarmentzen da, eta Bilboren, auzoen eta auzotarren bizikidetza eta bizi-kalitatea hobetzearekin duten konpromisoa aitortu, Bilbo bizitzeko leku lagunkoiagoa bihurtzeagatik.

Era berean, alkateak hitz batzuk eskaini zizkien adinekoen «Talde Eragiletik» irteten diren sei pertsonei, urte hauetan beren ekarpenekin «Bilbo bizitzeko leku atseginagoa» egiten lagundu baitute. Haiek dira Alicia Irusta, Itziar Bilbao Larrucea, Jorge García Cámara, Marcelino Gorbeña, María Asunción Olano eta Vicente Valdibielso.

AURREKO EDIZIOETAN SARITUTAKOAK

Bilboko Udalak, orain arte, honako pertsona hauen lana aintzatetsi du:

• 2015: Ibon Areso, Satur Abón eta Florentino Martinez Gonzalez
• 2016: Sabin Ipiña, Mª Jesús Cava eta Mª Luisa Mendizabal
• 2017: Jesús Antonio Pérez Arróspide, Iñaki García Ergüin eta Begoña Ariño
• 2018: Alfonso Dubois, Begoña Rueda eta Mikel Bilbao
• 2019: Carlos Zubiaga, Ana María Peña eta Begoña Aguirrezabal
• 2020: Luciano Azpiazu, Teresa Reizabal eta Txetxu Lombardero
• 2021: Iñaki Irigoien, Araceli Rozas eta Encarnación Velasco
• 2022: María Victoria del Bado, Isabel Osorio eta Miguel Ángel Fernandino
• 2023: José Ramón Garcia, Marina Montero, Alfonso Gómez Rodríguez eta Moisés Arce Espiña
• 2024: Luis Ángel Gaintza, Julia Manzanera eta Miren Linaza.

BILBO, ADINEKOEN LAGUNA DEN HIRIA

“Bilbo, Adinekoen Lagun» III. Udal Plana (2022-2024) ekimenaren barruan daude “Bilbo, Adinekoen Lagun“ Sariak, hiria eta bertako auzoak bizitzeko leku adeitsuagoak izateko norbanako eta kolektiboek egindako lanaren aitortza egiten dutenak.

2021eko urrian, Udalak “Bilbo, adinekoen lagun. 2020-2024” III. Udal Plana aurkeztu zuen, zahartze aktiboaren ideian oinarritua. Udal estrategiaren hirugarren bertsio honen ezaugarri nagusia da parte-hartzaileagoa, irekiagoa eta malguagoa dela.

Gaur egun, IV. Udan Planaren «talde eragilea» eratzen ari da. Talde hori aurreko planeko sei pertsonak eta beste sei lagunek osatuko dute. Talde eragilea funtsezko eragilea baita lagunkoitasunaren plana garatzeko, ezartzeko eta betearazteko, baita etengabeko ebaluazioa eta hobekuntza egiteko ere. Funtsezko elementua da sentsibilizatzeko, informatzeko eta udaleko gainerako herritarrek, elkarteek, eragileek eta sailek “Bilbo, Adinekoen Lagun» planaren garapenean parte har dezaten sustatzeko lanean.