Ertzaintzak 22 eta 27 urteko bi gizon atxilotu ditu, Asteasuko bizitza bateko etxe batean indarra erabiliz lapurreta egitea leporatuta. Inplikatuak, antza denez, leiho bat behartuta sartu ziren etxean.
Atzo, asteartea, arratsaldeko ordu bietan, Ertzaintzari jakitera eman zioten lapurreta egin zutela Asteasuko baserri batean. Emandako informazioaren arabera, lapurrek ibilgailu batean ihes egin zuten, eta etxeko balkoi bateko leihoa behartu ondoren sartu ziren etxe barruan. Hasiera batean, jabeak etxeko giltza-sorta bat eta janaria falta zirela somatu zuen.
Hernaniko Ertzain-etxeko patruilek zegozkion polizia-ikerketak hasi zituzten, eta ustezko lapurren autoa bertako kale batean aparkatuta aurkitu zuten. Autoaren jabearekin harremanetan jarri eta ibilgailu barruan baserrian lapurtutako giltzekin bat zetozen giltza batzuk zeudela egiaztatu ondoren, atxilotu egin zuten.
Ondoren, agente jarduleek Hernanin identifikatu eta atxilotu zuten beste gizon bat indarra erabiliz egindako lapurretan ustez inplikatuta egoteagatik.
Atxilotuak, 22 eta 27 urtekoak, jatorriz magrebtarrak dira eta polizia-aurrekariak dituzte, eta agintari judizialaren eskuetan jarriko dituzte polizia-eginbideak amaitu bezain laster.
25_0703 Hiru atxilotu Peñacerrada-Urizaharran etxe batean eta taberna batean indarra erabiliz lapurreta egiteagatik Hiru atxilotu…
Donostiako Udal Ingurumen sailak martxan jarri du Hondartzen Erabilera eta Aprobetxamenduaren Ordenantza aldatzeko prozesu parte-hartzailea…
Diseño sin título - 1 Onkologikoko kabina aldatu eta beste bi jarriko dira: bata Jesuitak…
Etxebizitza eta Hiri Agenda Sailaren Estatistika Organo Espezifikoak gaur argitaratu duen Alokairu Merkatuaren Hiru hilean…
‘Etxenoi’ izenarekin, Jaime Gutiérrez Armendariz eta Itziar Molinero Miranda bilbotarren pabiloia Emakumeen Plazan egongo da.…
Sailburuak azpimarratu du gaur egun Maliko 30 pertsona daudela Gasteizen kalean lo egiten, eta Barne…