Zarauzko Udalak datozen Inauterietako konpartsan izena emateko epea zabaldu du. Aurten, gainera, berritasun garrantzitsu bat egongo da aurreko edizioekin alderatuta.
Jai eta Ekitaldietako departamentuko ardura politikoa duen Xabier Txurruka (EAJ-PNV) alkateak azaldu duenez, “aurten, lehen aldiz, ez dugu izen-ematean kopuru mugarik jarri nahi, beste urte batzuetan jendea parte hartzeko gogoz geratu da mugak gaindituta eta aurten ez dugu nahi halakorik gertatzerik. Horregatik, epea zabalduko da online galdetegiaren bitartez izena emateko eta behin parte hartzaile kopurua finkatuta, erabakiko da nola antolatu aurtengo inauterietako konpartsaren gaia eta entsegu orduak”.
Azken urteetan Zarauzko Inauterietako konpartsak izan duen bilakaera arrakastatsuaren ondorioz, Udalak eta Marisa Merino Dantza Eskolak, parte hartzaileen gehienezko kopurua ez jartzeko erabakia hartu dute, gogoa duen orok Inauteriez, dantzaz eta musikaz gozatzeko aukera izan dezan.
Izen-ematea konpartsaren karteleko QR-aren edota esteka honetan (https://labur.eus/vuepwd5i) aurki daitekeen galdetegia osatuz gauzatu daiteke. Inskripzioa gauzatzeko azken eguna azaroaren 7a izango da. Izen-ematearekin erlazionaturiko informazio gehiagorako, Jaiak eta Ekitaldietako departamentuarekin kontaktuan jarri daiteke, 943 005 119 zenbakian eta jaiak@zarautz.eus helbidean. Izena eman ahal izateko gutxieneko adina 8 urte izango da eta 8-10 urte bitarteko haurrek heldu batekin eman beharko dute izena.
Esan bezala, izena eman duten pertsona kopurua ezagutzean, finkatuko dira konpartsaren gaia eta entseguen egutegia.
26_0341 Muskizen atxilotu dute Abanto-Zierbenako etxebizitza batean lapurreta egin zuen gizona Muskizen atxilotu dute Abanto-Zierbenako…
Barakaldoko Udaleko Garapen Agentziako Zuzendaritza Kontseiluak 210.000 euroko partida ekonomikoa onartu du aurten «Barakaldo Kontsumo…
Psikologia herritarrengana, eta bereziki gazteengana, hurbiltzeko asmoz, Bizkaiko Psikologia Elkargoak Barakaldora hurbilduko du Psikologia Kalean…
Maiatzaren 15etik 23ra ospatuko da, Elkarrizketa eta Garapenerako Kultur Aniztasunaren Nazioarteko Egunarekin bat eginez Kulturen…
Jon Insausti alkateak kohesio sozialaren, jasangarritasunaren eta parte-hartze demokratikoaren balioak aldarrikatu ditu Europako Astearen hasieran…
22 plaza eta parketan izango da Parketarrak egitasmoa Donostiako hemezortzi auzotako 22 gunetan antolatuko da…