Amaia Barredo: «Hegaluzearen kanpaina oso ona izan da harrapaketetan, kalitatean, tamainan eta prezioan»

• «Euskal flotak esleitutako guztizkoa harrapatu ez badu ere, TACa azken 25 urteetako handienetakoa da»
• Penintsulako iparraldeko flotek arrantzatutako 17.868.785 kilogramoetatik, EAE´koak 10.759.127 kilo harrapatu ditu: Estatu osoko % 60,20
• «Beste urte batez egiaztatu da arrantzaldi honen garrantzia eta euskal flotaren harrapaketen garrantzia estatu osoan» nabarmendu du Elikadura, Landa Garapen, Nekazaritza eta Arrantza sailburuak

Amaia Barredo Eusko Jaurlaritzako Elikadura, Landa Garapen, Nekazaritza eta Arrantza sailburuaren ustez, «amaitu berri den hegaluzearen kanpaina oso ona izan da, bai harrapaketei dagokienez, bai tamainari, kalitateari eta prezioari dagokienez». Barredoren arabera «nahiz eta euskal flotak ez duen esleitutako kuota osoa harrapatu, TACa azken 25 urteetako handienetakoa da. Portzentajeak engainagarria dirudi, baina harrapaketak oso garrantzitsuak dira».

Espainiako hegaluze-kuotaren kontsumoa %68,71 izan da. Espainiak 26.004.730 kilo harrapatu ditu guztira, eta Estatuan 17.868.785 kilo.

Euskal flotaren hegaluze-kanpainak 5 hilabete eta erdiko iraupena izan du, maiatzaren erdialdean Bermeoko flotak Avileseko portuan lehen deskargak egin zituenetik. Atzo, osteguna, amaitu zen, eta joan den asteko azken deskargaren eszenatokia Getariako portua izan zen. Parte hartu duten ontzietako batzuek sardina eta txitxarroa arrantzatzen dituzte orain, azaroan.

Penintsulako iparraldeko ontziteria autonomikoek harrapatutako kiloetatik (17.868.785 kilo), euskal flotak 10.759.127 kilo harrapatu ditu, hau da, Estatu osoko flotak egindako harrapaketen % 60,20. «Aurten ere hegaluzearen arrantzak euskal flotarentzat duen garrantzia eta gure itsasontzien harrapaketek Estatu osoan duten garrantzia egiaztatu da» nabarmendu du Amaia Barredok.

Euskal flotak harrapatutako 10.759.127 kiloetatik 7.626.484 Euskadiko lonjetan lehorreratu dira: % 71. Euskal flotak harrapatu eta lehorreratutako 10.759.127 kiloak 42.935.247,56 euroko balioa izan dute lehen salmentan, kiloko 4,00 euroko batez besteko prezioarekin. «10-12 kg arteko hegaluze on bat arrantzatzean prezio ona da» azpimarratu du Barredok. Haren ustez, «bai Bermeoko kakea-ontziarentzat, bai beita bizidunarentzat, Gipuzkoan ohikoagoa den teknika baita, arrantza ona izan da. Bi arrantza sistemek kanpaina oso positiboa izan dute «estimatzen du Amaia Barredok.