25_0744 Gazte bat atxilotu dute Eibarko okindegi batean lapurreta egin nahian ari zenean
Servicio de prensa
2025-11-04
Ertzainek 21 urteko gazte bat atxilotu dute, gaur, asteartea, goizaldean Eibarren, estolda-kutxatila batekin okindegi bateko fatxadako beiratea hausten harrapatu ondoren.
Gaur goizaldeko hiruak baino lehentxeago, Ertzaintzari jakitera eman diote antza denez lapurretan ari zirela Eibarko erdiguneko kale batean dagoen okindegi batean. Inguruan zaintza-lanetan ari zen herritarren babeseko patruila bat bertaratu da adierazitako lekura, eta inguruan pertsona bat geldiarazi du. Gizonak, polizia ikustean, jantzita zuen txanoa kendu du eta eskularru batzuk bota ditu lurrera.
Susmagarria identifikatu dutenean, egiaztatu ahal izan dute estolda-kutxatila batekin adierazitako establezimenduko fatxadako beiratea hausten saiatu dela. Horren aurrean, eta beharrezko egiaztapenak egin ondoren, 21 urteko gaztea, espainiar nazionalitatekoa, indarra erabiliz lapurreta egiten saiatzea leporatuta atxilotu dute.
Jarraian, atxilotua polizia-egoitzara eraman dute dagozkion izapideak egiteko, epailearen eskuetan jarri aurretik.
26_0336 Detenido por intento de homicidio a su pareja en Donostia / San Sebastián Gizon…
Ertzaintzak ikertzen ari zen eta makuluak zituen pertsona bati, laguntzeko itxurak eginez, 6.000 euro lapurtu…
Ertzainek bi gazte atxilotu dituzte Arabako hiriburuan, indarkeria erabiliz egindako lapurreta-saiakuntza bana leporatuta. Lapurretetako bat…
Ertzaintzak Arabako hiriburuan adineko gizon bati lapurreta egin zion gizonetako bat atxilotu du. Biktimari bere…
La Ertzaintza ha arrestado en Irun a dos hombres acusados de los delitos de hurto…
Por primera vez, Donostia es la sede de este certamen estatal que reúne a los…