Nafarroako Gobernuak, gaurko bilkuran, 2 milioi euroko urte anitzeko konpromisoa baimendu du, udal poligono eta lokalak sustatzeko toki entitateei laguntzak emateko deialdi berri bat abiarazteko. Industria eta Enpresen Trantsizio Ekologiko eta Digitalerako Departamentuak bultzatutako diru-laguntza horien helburua lurralde-garapen orekatua erraztea da, Foru Komunitateko udalerri guztietan biztanleria errotzen lagunduko duten jarduera ekonomikoak ezarriz. Laguntza horietara bideratutako kopurua %25 handitu da aurten, aurkez daitezkeen eskaeren estimazioan oinarrituta.