Aurtengo ekimenak hezkuntzan jarriko du arreta, ikasgeletako jarrera matxistak ikusgai jartzeko eta aldatzeko
Donostiako Udaleko Berdintasun Sailak ‘Ez Ikasi’ lelopean azaroaren 25erako kanpaina berria prestatu du, indarkeria matxistaren aurkako eguna dela eta.
Aurten, mezuak ikasgeletan jarri du arreta. Kanpaina honekin desberdintasunak indartzen dituzten ideiak eta jarrerak desikasten, zalantzan jartzen, generoak errespetatzen, elkarbizitza indartzen eta libreki pentsatzen irakasten den hezkuntza espazioa lortu nahi da.
Usandizaga Institutuko Publizitate Grafikako Goi Mailako Heziketa Zikloko bigarren mailako ikasleek egin dute kanpainaren diseinua. «Sexismoa ez dago kalean, komunikabideetan edo sare sozialetan bakarrik: eskoletan, institutuetan eta unibertsitateetan ere ikasten da. Ikasten denaz hitz egin nahi dugu, eta ikasi behar ez genukeenaz ere», azaldu dute kanpainaren diseinua egin duten Usandizagako ikasleek.
Sentsibilizazio kanpaina ezagutarazteko sare sozialetan komunikazio ekimenak egingo dira. Urtero lez, Dbus, Gazteria eta Kultur etxeek, eta nola ez emakume elkarteek bakoitzak beretik ekarpenak egingo ditu indarkeria matxisten aurkako lanketa honetan.
Programak honako jarduera hauek biltzen ditu, besteak beste:
• Taillerrak
• Antzeria
• Zinema
Halaber, hilaren 25erako, Koordinadora Feministak manifestazioa deitu du Boulevardetik abiatuta.
Urtero bezala, Emakumeen Etxean puntu moreak erosi ahal izango dira norbaitek bere bulegoan, establezimenduan edo beste leku batean jarri nahi baditu.
Udaleko Berdintasun Sailak urte osoan lan egiten du indarkeria matxista prebenitzeko, honako jardueren bidez:
• Berdintasun eta indarkeria matxisten aurkako planak
• Prestakuntza programak
• Protokoloak
• Jardunaldiak eta eztabaida taldeak
• Emakumeen Etxea
• Ahalduntze eskolak eta sentsibilizazio-kanpainak
Ogasun sailak gaur goizean aurkeztu du 2026rako Udal Aurrekontuen zirriborro berria; ia 151 milioi eurora…
Kudeaketa malguari esker jarduera mantendu, ontziei konpentsazioa eman eta eskuragarri dauden arrantza-aukerak ahalik eta hobekien…
Bàrbara Mestanzak eta Marc Pujolarrek zuzendutako Sucia (Espainia, 2025) filmak lortu du Ikusleen Saria Film Luze Onenari…
Mugikortasun Jasangarriaren sailburuak baieztatu duenez, Altza (Donostia) eta Galtzaraborda (Errenteria) arteko topoaren saihesbidea abuztua baino…
Leon XIV. Aita Santuak Imanol Pradales Lehendakaria Vatikanora gonbidatu du. Izan ere, maiatzaren 13an Audientzia…
Maria Ubarretxena Gobernantza, Administrazio Digital eta Autogobernu sailburuak Multiverse Computing enpresaren instalazioak bisitatu ditu. Enpresa…