Eusko Jaurlaritzak eskualde arteko finantzaketa-eredu bat sortzea bultzatzen du Bilbon, Eremu Atlantikoan berrikuntza lortzeko

Eusko Jaurlaritzak Europa-mailako topaketa bat hartzen du Bilbon, azaroaren 17an eta 18an, Atlantiko aldeko berrikuntzarako eskualdeen arteko finantzaketa-eredu bat elkarrekin sortzeko, Arku Atlantikoarekin eta Interreg Europe europar programarekin elkarlanean antolatuta.

Europako hainbat eskualdetako ordezkari instituzionalak eta adituak bilduko ditu, Bilbon 2024an egindako binakako berrikuspenari (peer review) jarraipena emateko eta makro-eskualde atlantiko bat eraikitzeko bidean aurrera egiteko, berrikuntzaren arloko lankidetza indartuko duena, Euskadirentzat eta Atlantikoko gainerako lurraldeentzat estrategikoak diren beste gai batzuen artean.

Eusko Jaurlaritzako Ekonomia Politikarako eta Europako Kohesiorako zuzendari Juan Alberdi Alberdik eta Europar Batasunerako Euskadiren ordezkari Marta Marinek inauguratu dute topaketa, eta nabarmendu dute Eusko Jaurlaritzak konpromisoa duela eskualdeen arteko lankidetzarekin eta berrikuntzari laguntzeko mekanismo berriak bilatzearekin, Atlantikoko eremuaren erronka komunei erantzuteko.

Europako hainbat herrialdetako adituez gain, Atlantikoko Lisboa eta Tajoko Harana eta baita Ardatz Atlantikoko Batzordeko Idazkaritza Exekutiboa eta euskal eragile sozioekonomikoen ordezkaritza zabala bilduko dira ekitaldian. Lisboa, Ardatz Atlantikoaren presidente ordea da gaur egun, eta presidentzia Eusko Jaurlaritzak dauka, 2020 urtetik hona. Biharko egunean, Eusko Jaurlaritzako Finantza Politika eta Aurrekontuetako arduraduna den José Enrique Corchón Saiburuordeak itxiko du ekitaldia.

Bileraren emaitzak, Bilbon bildu diren adituen gomendioak barne, kontuan hartuko dira Arku Atlantikoaren etorkizuneko lanetan, eta, era berean, EBk espazio atlantikorako duen makroeskualde-estrategiarako garapen-prozesuan sartuko dira.