Ertzaintzak gizon bat atxilotu du gaur goizaldean Gasteizko merkataritza-gune batean aparkatuta zegoen auto batean emakume bati sexu-erasoa egitea egotzita. Emakumeak ibilgailutik irtetea eta laguntza eskatzea lortu du.
Gaur, ostirala, goizaldeko 06:25ean, Gasteizko Arriaga auzoko merkataritza-gune bateko segurtasun-langileek Ertzaintzari deitu diote, furgoneta bateko gidaria alde egiten saiatzen ari zelako, ustez laguntza eskatu dien emakume bati sexu-erasoa egin ostean.
Hainbat ertzain bertaratu dira, eta egiaztatu dute segurtasun-zaintzaile bat furgoneta bat aparkalekutik irtetea eragozten saiatzen ari zela. Ertzainek inplikatuari furgonetatik jaisteko eskatu diote, eta gertatutakoaren berri jaso dute. Bertan zegoen espainiar nazionalitateko 50 urteko emakume batek kontatu dienez, minutu batzuk lehenago gau horretan ezagutu duen ustezko erasotzailearen furgonetan sartu da eta erasotzailea sexu-erasoa egiten hasi zaio.
Biktimak gaineratu zuenez, erasotzailearengandik ihes egin eta, azkenean, laguntza eskatzeko furgonetatik alde egitea lortu du.
Ertzainek ustezko erasotzailea, espainiar nazionalitateko 36 urteko gizonezkoa atxilotu du sexu-eraso delitu bat egotzita. Jarraian, ertzain-etxera eraman du, eta bertan egongo da epailearen esku utzi arte.
Biktimari, berriz, Ertzaintzak lagundu dio, bai arreta medikoa jasotzeko, bai salaketa jartzeko, sexu-erasoen protokoloari jarraituz.
26_0336 Detenido por intento de homicidio a su pareja en Donostia / San Sebastián Gizon…
Ertzaintzak ikertzen ari zen eta makuluak zituen pertsona bati, laguntzeko itxurak eginez, 6.000 euro lapurtu…
Ertzainek bi gazte atxilotu dituzte Arabako hiriburuan, indarkeria erabiliz egindako lapurreta-saiakuntza bana leporatuta. Lapurretetako bat…
Ertzaintzak Arabako hiriburuan adineko gizon bati lapurreta egin zion gizonetako bat atxilotu du. Biktimari bere…
La Ertzaintza ha arrestado en Irun a dos hombres acusados de los delitos de hurto…
Por primera vez, Donostia es la sede de este certamen estatal que reúne a los…