Ertzaintzako agenteek, Gasteizko Udaltzaingoarekin lankidetzan, 34 urteko gizon bat atxilotu dute gaur, larunbata, goizeko lehen orduan, borroka batean beste herritar bati puntzoi batekin eraso egiteagatik. Biktimak gutxienez sei lesio zituen gorputzeko hainbat ataletan, eta berehala eraman behar izan dute ospitalera.
Gaur goizeko bederatziak aldera, Manuel Iradier kalean poliziaren presentzia eskatu dute, liskar batean, taberna batean, gizon bati arma zuri batekin eraso egin diotelako. Gasteizko Udaltzaingoko eta Ertzaintzako patruilak esandako lekura hurbildu dira, eta baieztatu dute biktimak (33 urtekoa eta espainiarra) gutxienez sei zauri zituela buruan eta gorputzeko beste atal batzuetan, eta, ondorioz, berehala eraman behar izan dutela Txagorritxuko ospitalera.
Handik gertu zegoen edukiontzi batean puntzoi bat aurkitu dute. Ustez, zaurituari eraso egin diote, eta, jarraian, zaurien ustezko egilea atzeman dute, eta identifikatu egin dute. Susmagarria, 34 urtekoa eta jatorri latinoamerikarrekoa, atxilotzeko Agindu Judizial baten zain zegoen. Hori dela eta, beharrezko egiaztapenak egin ondoren, atxilotu egin dute, errekisitoria horraetan oinarrituta, eta giza hilketaren ustezko delitu bat egotzi diote, saiakuntza-graduan.
Ertzain-etxean beharrezko eginbideak amaitu ondoren, atxilotua epailearen aurrera eramango dute.
26_0336 Detenido por intento de homicidio a su pareja en Donostia / San Sebastián Gizon…
Ertzaintzak ikertzen ari zen eta makuluak zituen pertsona bati, laguntzeko itxurak eginez, 6.000 euro lapurtu…
Ertzainek bi gazte atxilotu dituzte Arabako hiriburuan, indarkeria erabiliz egindako lapurreta-saiakuntza bana leporatuta. Lapurretetako bat…
Ertzaintzak Arabako hiriburuan adineko gizon bati lapurreta egin zion gizonetako bat atxilotu du. Biktimari bere…
La Ertzaintza ha arrestado en Irun a dos hombres acusados de los delitos de hurto…
Por primera vez, Donostia es la sede de este certamen estatal que reúne a los…