Segurtasun Sailak gaur eguerdian hainbat ertzainek Bilboko elkarretaratze batean jasan duten erasoa salatu nahi du

Segurtasun Sailak gaur eguerdian hainbat ertzainek Bilboko elkarretaratze batean jasan duten erasoa salatu nahi du

Istiluak eguerdian izan dira, Palestinaren aldeko elkarretaratze batean parte hartzen ari ziren pertsonek tranbiaren eta Plaza Biribiletik eta Nafarroa eta Buenos Aires kaleetatik zihoazen ibilgailuen pasabidea itxi dutenean.

Bertaratutako ertzainek bertatik kendu behar zirela ohartarazi diete bildutakoei. Ezezkoaren aurrean, ekitaldiaren arduradunetako bat identifikatu dute, eta behin eta berriz identifikatzeari uko egin dio. Atxilotzera joan direnean, hainbat pertsonak ertzainei aurre egin eta eraso egin  die atxiloketa eragotzi nahian, eta agenteek polizia-makila erabili behar izan dute. Gutxienez lau agentek kolpeak dituzte eta mutuara joan beharko dute.  Pertsona bat atxilotu dute desobedientzia eta desordena publikoak egotzita. Ertzaintzak ertzain-etxera eraman du atxilotua, oraindik uko egiten dio identifikatzeari, eta ikertzen hasi da, istiluetan parte hartu duten beste pertsonak identifikatzeko.

Segurtasun Sailak herritarren ordena eta segurtasuna zaintzen ari ziren agenteen aurkako erasoa salatu nahi du. Bildutako pertsonek ez dute ordena publikoa errespetatu, tranbiaren zerbitzu publikoa eten dute gauden datengatik erabilera masiboa duen une batean, eta indarkeria erabili dute une horretan lanean ari ziren agenteen aurka. Segurtasun Sailak berretsi nahi du horrelako erasoak oso larriak direla, eta herritarrek ez lituzketela onartu behar. Era berean, elkartasuna adierazi nahi die mutura joan behar izan duten ertzainei, eta egindako lanagatik eskerrak eman nahi dizkie gertakari horretan inplikatutako agente guztiei.