Ertzaintzako agenteek gizon bat atxilotu dute gaur goizean, bere ibilgailuarekin Gasteizko ostalaritzako lokal bateko atezainak harrapatzen saiatzeagatik.
Gaur goizeko zazpiak aldera, kale-jantziekin zihoazen Ertzaintzako agenteen patruila batek ibilgailu batek semaforo gorri bat abiadura handian gainditu duela ikusi du, eta, jarraian, bat-batean biratu du espaloia inbadituz eta Koroatze auzoko pub baten atearen aurrean zegoen zuhaitz baten aurka talka eginez.
Une horretan, establezimenduaren sarreran bi atezain eta bi bezero zeuden, baina ez dira zauritu. Ertzainak gertaeraren lekuko izan dira, eta berehala hurbildu dira. Lokaleko bi langileek (nazionalitate espainiarra dute) jakinarazi dietenez, pixka bat lehenago, autoaren gidariak gertakari bat izan zuen establezimenduaren barruan, eta haiek kanporatu egin zuten. Behin kanpoan, gizon horrek heriotza-mehatxuak egin zizkien.
Adierazpen horiek ikusita, susmagarria atxilotu dute. Txagorritxuko Ospitalera eraman dute, arreta medikoa jasotzeko. Izan ere, zauri arinak zituen, autoak zuhaitza jo zuelako.
Atxilotua, 57 urtekoa eta nazionalitate espainiarrekoa, epailearen esku utziko dute beharrezko polizia-eginbideak amaitzen direnean.
26_0336 Detenido por intento de homicidio a su pareja en Donostia / San Sebastián Gizon…
Ertzaintzak ikertzen ari zen eta makuluak zituen pertsona bati, laguntzeko itxurak eginez, 6.000 euro lapurtu…
Ertzainek bi gazte atxilotu dituzte Arabako hiriburuan, indarkeria erabiliz egindako lapurreta-saiakuntza bana leporatuta. Lapurretetako bat…
Ertzaintzak Arabako hiriburuan adineko gizon bati lapurreta egin zion gizonetako bat atxilotu du. Biktimari bere…
La Ertzaintza ha arrestado en Irun a dos hombres acusados de los delitos de hurto…
Por primera vez, Donostia es la sede de este certamen estatal que reúne a los…