26_0024 Bi atxilotu Bilboko jatetxe batean lapurreta egiten saiatzeagatik
Prentsa zerbitzua
2026-01-12
Ertzainek bi gizon atxilotu dituzte goizaldean, Bilbo erdialdeko ostalaritza-lokal batean lapurreta egiten saiatzea leporatuta. Polizia-baliabideek establezimendu barruan ezkutatuta aurkitu dituzte bi susmagarriak.
Lapurreta-saiakera gaur, astelehena, goizaldeko bostak aldera gertatu da, eta dei baten bidez jakitera eman dute Bilboko San Frantzisko auzoko jatetxe batean sartu direla. Antza denez, bi pertsona ostalaritza-establezimenduan lapurretan ari ziren.
Ertzaintzaren hainbat patruila joan dira adierazitako lekura, eta lokaleko pertsiana behartu dutela egiaztatu dute. Agenteek jatetxea miatu dutenean, sukaldean ezkutatuta aurkitu dituzte bi susmagarriak.
Patruilek bi gizonak identifikatu dituzte, eta lapurreta-delitua leporatuta atxilotu dituzte.
Atxilotuak, magrebtar jatorriko 37 eta 45 urteko bi gizon, Ertzaintzaren egoitzara eraman dituzte dagozkion polizia-izapideak egitera. Horiek amaitu ondoren, datozen orduetan jarriko dituzte agintari judizialaren eskuetan.
Ertzaintzak ikertzen ari zen eta makuluak zituen pertsona bati, laguntzeko itxurak eginez, 6.000 euro lapurtu…
Ertzainek bi gazte atxilotu dituzte Arabako hiriburuan, indarkeria erabiliz egindako lapurreta-saiakuntza bana leporatuta. Lapurretetako bat…
Ertzaintzak Arabako hiriburuan adineko gizon bati lapurreta egin zion gizonetako bat atxilotu du. Biktimari bere…
La Ertzaintza ha arrestado en Irun a dos hombres acusados de los delitos de hurto…
Por primera vez, Donostia es la sede de este certamen estatal que reúne a los…
“Se trata de un proyecto basado en el trabajo colaborativo con numerosos agentes de Bilbao,…